Accessibility links

шимбә, 10 декабрь 2016, Казан вакыты 10:03

Sember ölkäse belän Tatarstan arasında televizion küper urnaştırılaçaq


«Yaña ğasır» tele-radio kompaniäse, yäşlär eşläre ministrlığı häm xärbi komitet belän berlektä, urtaq aksiä ütkärä. «Yaña ğasır» telekanalı aşa Sember ölkäseneñ başqalasında armiädä xezmät itüçe yegetlärgä turı elemtä aşa, tatarstandağı tuğannarı belän söyläşergä mömkinlek birelä. «Yaña Ğasır» kanalı alıp baruçısı İldar Qıyamov söylägänçä, televidenie xäbärçeläre Sember ölkäsendä kitkän inde, alar anda xezmät itüçe yegetlärneñ tormışı turında mäğlümat tuplarğa cıyına. Häm şuşı Televizion törkem yärdäme belän, Ulyanovskiy häm Qazan arasında turı elemtä urnaştırılaçaq. Xäzer televidenie xezmätkärläre, xärbilär, Ulyanovski wäkilläre, televizion küperne oyıştıru öçen soñğı äzerlek çaraların kürä. Sember ölkäsendä Tatarstannan anda 200läp yeget xezmät itä dip sanala. Televidenie studiäsenä yäşlärneñ äti-äniläre, tuğannarı çaqırıla. Söyläşü turı efirda, tatar häm urıs tellärendä alıp barılaçaq. Anı 12 dekaber könne «Yaña ğasır» kanalında qarıy alasız.

Bikä Timerova.

XS
SM
MD
LG