Accessibility links

шимбә, 3 декабрь 2016, Казан вакыты 07:41

Yuçenko: parlament raslağan üzgäreşlär miña 26 Dikäber saylawlarında ciñügä yul aça


Ukraina parlamentı bügen ilneñ Konstitutsiäsenä häm Prezident saylawları turındağı qanunğa üzgäreşlär qabul itte. Monnan tış Yuğarı Rada deputatları yaña üzäk saylaw komissiäsen rasladı. Şuşı üzgäreşlär Ukrainadağı säyäsi krizisqa noqta quyar dip sanala. Prezident Leonid Kuçma parlamentqa kilep yaña qanunnarğa şunda uq imzasın saldı. Konstitutsiägä kertelgän üzgäreşlär prezident wäkälätläreneñ ber öleşen parlamentqa tapşırunı küz aldında tota. Bu üzgäreşlär ğämälgä 2006 yılda keräçäk. Prezident saylawları turındağı qanunğa kertelgän üzgäreşlär isä tawış birü waqıtında xärämläşülärne kimeter dip kötelä. Yaña üzäk saylaw komissiäsendä 15 äğzanıñ dürtese, şul isäptän komissiä räise alıştırıldı. Oppozitsiä citäkçese Viktor Yuçenko, Parlamentnıñ bügenge qararı miña, 26 Dikäberdä ütäçäk qabat saylawlarda ciñü öçen yul aça, dip belderde.

XS
SM
MD
LG