Peterburnıñ şähär mäxkämäse 5 yäşlek Tacıqstan qızın üterüdä ğäyeplängän 4 yäşüsmerne 2-yarımnan alıp 10 yılğa qädär törmägä xökem itte. Mäxkämä qararında äytelgänçä, üterü "milli näfrät" xislärendä başqarılğan. Uzğan yılnıñ 21 sintäberendä yäşüsmerlär törkeme Peterbur çitendä ber törkem tacıq çegännärenä höcüm itkän. Qıynalğannar arasında ike qız bala bulğan. Şularnıñ berse, 5 yäşlek Nilufar Sangboeva ikençe köngä xastaxanädä wafat bulğan.
