Accessibility links

якшәмбе, 4 декабрь 2016, Казан вакыты 15:27

Ukraina oppozitsiäse xökümät binalarınnan blokadanı aldı


Ukraina başqalasındağı xökümät binalarında eşläwçe qayber xezmätkärlär bügen soñğı ike atnada berençe tapqır eş urınnarına kilä aldı. Çärşämbedä parlament Saylaw qanunına üzgäreşlär kertkännän soñ, oppozitsiä citäkçese Viktor Yuçenko üz tarafdarların xökümät binalarınnan blokadanı alırğa çaqırdı. Bu üzgäreşlär kiläse tawış birülärdä xärämläşülärgä yul quymas dip kötelä. Yuşenko, 21 Noyäberdän birle barğan protest çaraları waqıtında bernindi köç qullanu bulmawına ğorurlanuın belderde:

Audio (Viktor Yuçenko): "Bu bez başqarıp çıqqan iñ yaxşı senari buldı. Minem östemdä ber tamçı qan bulmawı, ber köç qullanu bulmawı belän min bäxetle. Barısı bik zawıqlı ütte."

Yuçenko süzlärençä, Bäysezlek mäydanındağı berniçä çatır 26 Dikäberdä ütäçäk qabat saylawlarğa qädär şunda qalaçaq. Çärşämbedä Ukraina Radası şulay uq üzäk saylaw komissiäseneñ berniçä äğzasın, şul isäptän räisen alıştırdı. Häm dä prezident wazifalarınıñ ber öleşen parlamentqa tapşırğan qanun qabul itte.

XS
SM
MD
LG