Accessibility links

якшәмбе, 11 декабрь 2016, Казан вакыты 03:21

Bötendönya Tatar Kongressı Başqarma Komitetı 2004 yılğa yomğaqlar yasadı


BTK Başqarma komitetınıñ kiñäytelgän utırışında tatarlar küpläp yäşägän töbäklärdän 247 wäkil qatnaştı. Utırış yıl yomğaqlarına bağışlanğan. Aldağı köndä komissiälär yomğaq yasadılar häm bez sezgä anda yasalğan näticälärne ireştergän idek inde. Başqarma komitet eşçänlegeneñ yomğaqlarına bağışlanğan çığışında räis Rinat Zakirov iñ möhim çaralarnı barlap çıqtı. Alar tatar yäşläre forumı, tatar xatın-qızlarınıñ fänni-ğamäli konferensiäse, illedän artıq töbäktä ütkärelgän sabantuyları. Läkin çığışnıñ başında uq bu eşlärneñ nindi şartlarda alıp barıluına basım yasap äytelde.

İñ berençelärdän bulıp çığış yasawçı, Tatarstan prezidentınıñ säyäsi kiñäşçese Rafael Xakimov Rusiädäge säyäsi wäzğıätne bäyäläwne tağı da kiskenläşterde häm Rusiädä federalizmnı onıttılar digän fiker äytte. Ul çığışın "Tatarstannıñ tayanıçı tatar xalqı, ä tatar xalqınıñ tayanıçı - respublika" digän süzlär belän tämamladı. Başqarma komitet ägzase Fäwziä Bäyrämova çığışında prezident kiñäşçese fikerenä cawap yañğıradı. Fäwziä Bäyrämova çığışında yañğırağan milli mäsälär ministrlığı buldıru, tatar telenä Rusiädä ikençe däwlät tele statusı birüne taläp itü alqışlar belän xuplandı. İñ köçle alqışlar demokratiäne, millät mänfägatlären yaqlawğa öndäwgä bağışlandı.

BTK başqarma komitetı rezolyutsiäneñ töp nigeze öçen tawış birü häm yıl däwamında tatar xalqı kiläçäge öçen köç quyğan xezmätläre öçen millät pärwärlärne büläkläw belän tämamlandı. Başqarma komitetnıñ kiñäytelgän utırışı yomğaqları turında söyläwne kiläse tapşırularıbızda däwam itärbez.

Yunıs Ätnäle

XS
SM
MD
LG