Accessibility links

дүшәмбе, 5 декабрь 2016, Казан вакыты 11:42

"Xalıqara mönäsäbätlär häm keşe xoquqları" komissiäse utırışı


9 dekaberdä Bötendönya tatar kongressı Başqarma komitetı tarmaq komissiäläreneñ utırışları turında Azatlıq radiosı söylägän ide inde. Älege cıyılışta qatnaşu öçen Qazanğa Rusiäneñ törle töbäklärennän häm qayber çit illärdän wäkillär kilde. Bügen sez “Xalıqara mönäsäbätlär häm keşe xoquqları” komissiäse utırışınıñ barışı turında işetersez.Bu komissiädä 20 dän artıq SNG illärennän kilgän wäkillär qatnaştı . Şulay uq bu komissiädä Rossiä Federatsiäseneñ Tatarstandağı keşe xoquqların yaqlaw buyınça eş alıp baruçı wäkälätle wäkile Räşit Vağıyzov ta bar ide. Utırışnı Başqarma komitetnıñ yaqın häm yıraq illär belän eşläw bülege citäkçese Damir Ğısmetdinov alıp bardı. Şul uq bülek citäkçese urınbasarı Röstäm Ğäynetdinov tatarlarnıñ üz illärendäge eşçänlege turında mäğlümat birde. Başqarma komitetta çit illärdä yäşäwçe tatarlarnı barlaw häm nindi eş alıp barıluı turında Damir Ğısmetdinovnıñ çığışı tıñlandı. Ul “Soñğı 2,5 yarım waqıt eçendä çit illärdäge tatar cämğiätläre sanı 5 tapqırğa arttı. Alarnıñ ğomumi sanı 140 oyışmağa citte.”,-dip belderde Damir Ğısmetdinov. Mäğlümat alu cılı söyläşülär aşa da, törle formada xatlar alışu buyınça da , elektron poçta aşa xat alışu aşa da alıp barıla”,- dide ul. Töbäklärdä uzğan cäydä dönyanıñ 11 ilendä 30 Sabantuylar ütkän. Şulay uq Yaña emigratsiä belän İske emigratsiäneñ arasında tuğan problemalar turında da äytep kitte. Qazan şähäreneñ 1000 yıllığına bağışlanğan çaralar belän Röstäm Ğäynetdinov tanıştırdı. Komissiädä keşe xoquqların yaqlaw buyınça eş alıp baruçı yurist Roza Färdievanıñ çığışı tıñlandı. Anıñ äytüe buyınça: Ütkän yıldağı Çiläbe problemalarına qarağanda bıyılğı problemalar qatlawlıraq. İslam dinenä qarşı repressiälär başlandı,- dide ul. Millät eşläre belän şöğellängän keşelärne cinayät eşenä tartuları turında äytte Roza Färdieva. Räşit Väğızov bu eşlärne tik yuridik eşlär aşa ğına çişärgä kiräk”,- dide. KDUnıñ Tatar filologiäse fakul'tetı dekanı İskändär Ğıläcev tarixi yädqärlärne , qäberleklärne saqlaw turında söyläde. Berençe bötendönya suğışındağı Belorussiädäge qäberleklärne, Germaniädän yıraq tügel cirdä äsirlär lagerennän 11-12 meñ tatar bulğanlığı bilgele”,- buluın äytte ul. Elek Üzbäkstanda, melioratsiä ministrı bulıp eşlägän Rim Giniätullin Kongress citäkçese Rinat Zakirovqa büläkkä qılıç alıp kilgän. “Kiçägeñne onıtsañ , bügengeneñ qadere yuq”,- digän fiker äytte ul. Törkmänstan turında Al'bert Borxanov bik zur mäğlümat birde. Şäxsi aqçalarğa çığarılğan “Kul'turnıye traditsii Yevrazii” digän kitapnıñ avtorı bularaq anı komissiädä qatnaşuçılarğa büläk itte. Belorussiä tatarları cämğıäteneñ Prezidentı Abu-Bekir Şabanoviç Törekmännärneñ Ruxnamä kitabın belorussiä telenä tärcemä itelgänen belderde. Qırğızstan tatarları cämğiäteneñ prezidentı Gölsinä xanım Ulmäskulova :“...bez mäktäplär açtıq , kitaplar bar , ämma bezgä uqıtuçılar cibäregez, yuqsa alar yabılu xälendä,- dide. Litva tatarları cämğıäteneñ citäkçese Adam Asanoviçyus 20 meñ tatarnıñ 24 tatar generallarınıñ isemnären mäñgeläşterü turında täqdim kertte. Qısqası , Tatarstannan çittä yäşägän tatarlar üzlärenä ruxi yärdäm sorıylar, häm üz -üzlären qayğırtqan tatar oyışmaları da arta bara.

Azatlıq radiosı Mälikä Basır Qazan.

XS
SM
MD
LG