Accessibility links

сишәмбе, 6 декабрь 2016, Казан вакыты 08:42

Yuçenko, 26 dikäberdä ciñsä, säyäsi köndäşlärennän üç almayaçaq


Ukraina oppozitsiäse citäkçese, prezidentlıqqa namzät Viktor Yuçenko 26 dikäber saylawlarında ciñgän oçraqta, säyäsi köndäşlärennän üç almayaçağın belderde. Çärşämbedä Ukraina parlamentı saylaw qanunına häm konstitutsiägä üzgäreşlär kertkännän soñ Yuçenko bügen Kievta, berençe matbuğat oçraşuın ütkärde. 26 dikäberdä ütäçäk qabat saylawlarğa tuqtalıp, Yuçenko, tawışlarnıñ kimendä 60%-ın cıyu niäten belderde:

Audio (Viktor Yuçenko): "26 dikäberdä min alası ixtimal tawışlar sanına kilgändä, bezneñ xisaplarğa qarağanda, ul san iñ kimendä 60% bulırğa tieş."

Yuçenko tarafdarları protest çaraların tuqtatqannan soñ, Kievta tormış üz cayına qayta dip xäbär itelä. Alay da prezident Kuçma utırması yanında berniçä yöz keşe qala birä.

Ul arada bügen Leonid Kuçma oppozitsiä basımı astında çitlätelgän baş prokuror Hennadi Vasilyev urınına Svyatoslav Piskunnı qaytaruın iğlan itte. Piskun, finans cinäyätlärne tikşerügä ayaq çaluda ğäyeplänep, uzğan yılnıñ üktäberendä genä bu urınnan alınğan ide. Kuçma'nıñ belderüendä bu qararğa ber añlatma da birelmägän.

XS
SM
MD
LG