Accessibility links

шимбә, 10 декабрь 2016, Казан вакыты 15:59

Yuşçenko dioksin belän ağulanğan bulğan


Avstriä başqalasındağı tabilar Ukrainadağı oppozitsiä citäkçese häm perzidentlıqqa möndät Viktor Yuşçenkonıñ säyer awıruına dioksin belän ağulanu säbäp bulğan dip belderä. Vienadağı xosusıy Rudolfinerhaus xastaxanäse mödire, tabib Michael Zimpfer bügen matbuğat oçraşuında bolay dip iğlan itte.

AUDİO: Bez soñğı 24 säğättä däwam itkän tikşerülärne tämamlağannan soñ, şulay uq törle qan tikşerüläre ütkärgännän soñ Yuşçenko äfändeneñ awruına dioksin nigezendäge ağu säbäp buluına bernindi dä şik qalmadı.

Ämma anıñ äytüençä, ağulawnıñ niçek bulğanın bilgeläw mömkin tügel. Tabiblar bu eşne xoquq xezmätkärlärenä qaldıra dide ul. Anıñ äytüençä, zur miqdärdä dioxin anıñ organismına awız aşa kergän bulırğa tieş. Ukrainada saylawlarğa äzerlek çorı barğanda könbatış qaraşlı Yuşçenko Sintäber ayında awırıp ayaqtan yığıldı. Annan soñ anıñ yözendä säyer üzgäreşlär barlıqqa kilde. Ul üzeneñ säyäsi köndäşläre tarafınnan ağulanuı turında belderde. 26-nçe dikäberdä Ukrainada prezident saylawlarınıñ ikençe turı qabattan ütkäreläçäk. Ukraina yuğarı mäxkamäse noyäberdä ütkän ikençe turda zur xärämläşülär bulğan dip premyer-ministr Viktor Yanukoviçnıñ ciñüe turındağı qararnı ğämäldän çığardı.

XS
SM
MD
LG