Accessibility links

пәнҗешәмбе, 8 декабрь 2016, Казан вакыты 10:58

Viktor Yuçenko ağulanu waqiğasın saylaw aldı kampaniäsendä kütärergä telämi


Ukraina prezidentlığına oppozitsiä namzäte Viktor Yuçenko, üzeneñ ağulanu waqiğasın saylaw aldı kampaniäse barışında kütärergä telämi. Baş prokuraturanıñ bu eşne yañadan tikşerä başlaw niäten Yuçenko xuplap qarşı aldı, ämmä, tikşerü näticäläre 26 Dikäber saylawlarınnan soñ ğına iğlan iteler digän ömeten belderde. Şul uq waqıtta Yuçenko, anı ağulawğa räsmilärneñ qatışı buluda şiklänmi:

Audio (Viktor Yuçenko): "Bu eşne xakimiättä toruçılar eşlägänenä ber şigem dä yuq. Xäzer tikşerü öçen waqıt kiräk. Küp närsä inde bilgele. Ukrainanıñ baş prokuraturası qanun nigezendä xäräkät iter dip uylıym. Bu eşne kem başqarğanın tizdän Ukraina häm bar dönya beläçäk."

Bügen Brusseldä Yevropa Berlege süzçese Emma Udwin, Avstria tabiplarınıñ, Yuçenko maxsus räweştä ağulanğan bulğan, digän näticäse bik borçılu xäbär digän süzlär äytte. Udwin süzlärençä, Yuçenkonı ağulağan keşelär qanun aldında cawap totırğa tieş.

XS
SM
MD
LG