Accessibility links

İspania premier-ministrı Mart şartlawları öçen islamçı terrorçılarnı ğäyepli


İspania premier-ministrı Jose Luis Zapatero şuşı yılnıñ Martında Madridta 191 keşeneñ ülemenä säbäp bulğan şartlawlar öçen, tulısınça islamçı xalıqara terrorçılar ğäyeple dip belderde. Bügen Parlamentta çığış yasap Zapatero bolay dide:

Audio (Jose Luis Zapatero): "Bez İspanlılar terrorçılıqnı äle genä açmadıq. Bez anıñ belän inde 30 yıl tanış. Ber İspan xökümäte dä anıñ aldında tezlänmäde, häm tezlänmiäçäk. Här höcüm bezne nığıta ğına."

Parlamentnıñ Madrid höcümnären tikşerü komissiäsendä çığış yasap, Zapatero, bu höcümnär öçen xalıqara terrorçılar cawaplı dide. Zapatero süzlärençä, bu anıñ şäxsi fikere genä tügel, ä tikşerüçelär, politsiä, törmä xezmätkärläre mäglümätlärenä nigezlänep yasalğan näticä.
XS
SM
MD
LG