Yevropa Berlege citäkçeläre pänceşämbedä başlanaçaq sammitqa äzerlänä. Bu sammitta Törkiä belän äğzalıq turında söyläşülär başlaw mäsäläsendä qarar qabul itelergä tieş. Bügen Germania kanslerı Gerhard Şröder Berlinda Hollandia premier-ministrı Jan Peter Balkenende belän söyläşkännän soñ, Törkiä axır çiktä Berlekkä kerergä tieş, läkin söyläşülär 10-15 yıl däwam itçäk digän fiker äytte. Berlektä räislek itkän Balkenende süzlärençä, söyläşülär başlaw waqıtı älegä bilgelänmägän.
