Accessibility links

Yevropa Berlege summitında Törkiäneñ äğzalıq mäsäläse östenlek itäçäk


Yevropa Berlege citäkçeläre bu atnadağı summitta Törkiä belän qayçan häm niçek äğzalıq söyläşüläre başlayaçaq, şul turıda qarar birergä tieş. Ämma Ankara täqdimne qabul itäçäkme ,bu Berlekneñ söyläşülärne başlaw tarixı, söyläşülär azağı häm Kiprneñ Grek öleşe kebek möhim mäsälälärdäge pozitsiäsennän bäyle bulaçaq.Düşämbedä Berlek tışqı eşlär eşlär ministırları Törkiä turındağı summit belderüe ölgesen äzerläp betersä dä , räsmilär sonğı qarar, tözältmälär atnakiçtä berlek summitınıñ kiçke aşında qabul iteläçäk dip kisätä.

Atnakiç wä comğada ütäçäk summitta alınaçaq qararlar Yevropa Berlege belän Törkiä arasındağı mönäsäbätlärgä nıq täsir itäçäk.Ütkän comğada Yevropa Komisiäse prezidentı Barosso Törkiä premyere Erdoğan belän oçraştı. Şunnan soñ Barosso süzçese Francoise le Bail (audio) Bu oçraşu söyläşülärneñ bik möhim noqtasında ütte.Berlek prezidentlığı , kiläse atnadağı summit öçen konsensus tabarğa tırışa dide Yevropa Berlege töp 3 mäsälädä üzara kileşä almıy. Äğzalıq söyläşülären başlaw tarixı , söyläşülärneñ azağı häm Kiprneñ grek öleşe. Yevropa Berlege äğzalıq söyläşülären başlawnı raslayaçaq. Moña şik tä yuq.Ämma Ankaranıñ moñı qabul itü itmäwe , täqdim itü räweşennän bäyle. Söyläşülär qayçan başlıy. İn möhim soraw bu: Fransiä citäklägän ber törkem illär söyläşülärne irtä başlatu kiläse yılda ratifikatsiälänäçäk Berlek konstitutsiäsenä qarata cämäğätçelek fikerenä tiskäre täsir yasıy ala dip qurqa.Ütkän atnada Brüsseldä iğlan itelgän fiker beleşügä qarağanda,Avstriä, Almanya Luxemburg,Finlandiä häm Fransiädä xalıq Berlekneñ tağı da kiñäytelüenä qarşı.Törkiä turında bernindi sorawlar quyılmasa da,älege namzätlär arasında in qapma qarşılıqlısı Törkiä. Ankara äğzalıq söyläşüläreneñ soñraq 2005nçe yılnıñ ikençe yartısında Berlekneñ yazğı summitı ütkännän soñ başlarğa teli . Älbättä tarix kön turında belderü ölgesendä süz dä yuq bu turıda atnakiç kiçke aş waqıtnda qarar bireläçäk. İkençe möhim mäsälä isä Yevropa Komissiäseneñ üktäber xisabınnan birle törle ölgelärdä kürengän mondıy cömlä ''söyläşülär açıq oçlı proses'', yäğni näticäsen aldan äytep bulmı. Fransiä belän Avstriä söyläşülär tulı äğzalıq tügel ä ''privilegiäle partnörlıq'' belän tämamlana ala dip äytä.Düşämbedä Berlek prezidentı Gollandiäneñ tışqı eşlär ministrı Bot söyläşülärneñ hädäfe tulı äğzalıq bulırğa tieş digän ide (audio) Törkiä äğzalıqqa namzät häm bu mäqsatnı añlata Törkiä dä şuña omtıla häm bu söyläşülärneñ mäqsatı bulıp tora Germaniä tışqı eşlär minsitrı J.Fischer dä Berlin Bot pozitsiäsen yaqlıy dip belderde. Fischer fikerençä, söyläşülärneñ mäqsatı äğzalıq bulırğa tieş, bu mäqsattan wazkiçü minemçä Törkiädä bik uñışlı barğan reforma protsesın tuqtataçaq. Öçençe häm sonğı mäsälä bulıp Kipr tora. Berlekneñ yaña äğzası Nikosia ,Ankara söyläşülär başlanğançı grek cämäğätçelegen tanımasa veto xoquqın qullanu belän kisätä.Ämma bu taläp sonğı könnärdä yomşara töşte Kipr tışqı eşlär minsitırı LACOVOU Törkiä berlekeneñ yaña äğzaların tanuğa qarağan Ankara kileşüen raslasa , bezne qänäğätländeräçäk dip äytte Küzätüçelär qaraşınça Törkiä aña qul quyaçaq . Bu Kiprne da tanu bulaçaq.Ämma bu qararlar summitta Ankarağa äğzalıq söyläşülären başlaw könen birü häm söyläşülär näticäse turındağı mäqsatnıñ açıq buluınnan bäyle bulaçaq. Premyer Recep Tayyip Erdoğan bügen parlamenttağı çığışında (audio) Bez Yevropa Berlegeneñ tulı äzğalığına nigezlänmägän mäxsus statuslar turındağı bernindi qararnı qabul itmiäçägebezne aldan äytep quydıq. Kopenhagen säyäsi qısalarında bulmağan yaña qısalar belän bezneñ aldıbızğa kilmägez dip äytte färidä xämit
XS
SM
MD
LG