Accessibility links

якшәмбе, 11 декабрь 2016, Казан вакыты 03:14

Yekaterinburgta yäş buınnı tärbiäläwgä iğtibar


Bu könnärdä Yekaterinburg şähärendä eşläp kilüçe Milli Media-Xolding “Sälätle balalar” programması buyınça çirattağı oçraşunı oyıştırdı. Bu yulı küptän tügel Yekaterinburgta bulıp uzğan tatar cırın yäş başqaruçılar konkursında laureat isemenä layıq bulğan sälätle cırçı balalarnı täbriklädelär. Balalar arasında berençe urınnı 10 yäşlek Eliza Maxiänova yawlap alğan ide. Oçraşu waqıtında dusların ul tağın da matur cırları belän quandırdı.

Oçraşu, ğädättägeçä, bik cılı häm tatu räweştä ütte.

Yekaterinburgta “Sälätle balalar” programması kiläse yılda da däwam itäçäk. Balalarnıñ kiläse oçraşuı Yaña yıl bäyräme könnärendä bulaçaq. Media-Xolding citäkçeläre alar öçen tatarça çırşı bäyräme äzerlilär.

Sverdlov ölkäsendä üsep kilüçe yäş buınğa ruxi, dini tärbiä birügä dä zur ähämiät kürsätelä. Pervoural''ski şähärendä, mäsälän, küptän tügel tağın ber bik matur mäçet açılğan ide. Qazıylat idäräse citäkçeläre tırışlığı belän ike ay eçendä ike mäçet açılu tantanası bulıp uzdı. Yaña mäçetneñ imamı itep Qazannıñ “Möxämmädiä” mädräsäsen tämamlap qaytqan, yäş kenä Gabderäxim xäzrät bilgelände. Anıñ äytüençä, mäçet başqaraçaq töp eşlärneñ berse bulıp yäş buınnı tärbiäläw toraçaq.

Gabderäxim xäzrät din däreslärenä öyränergä teläwçelärneñ sanı citärlek, dip belderde. Yäşlär, balalar belän berrättän, olı keşelär dä islam dine asılların öyränergä teli. Bügenge köndä uqırğa teläwçelärne yäşlärenä qarap törkemnärgä bülü bara.

Fäwiä Safiullina, Yekaterinburg

XS
SM
MD
LG