Accessibility links

якшәмбе, 11 декабрь 2016, Казан вакыты 03:19

Yanukoviç oppozitsiägä qarşı köç qullanırğa çaqırğanın kire qağa


Ukraina premier-ministrı Viktor Yanukoviç Kiev uramnarında demonstartsiädä qatnaqşan oppozitsiä tarafdarlarına qarşı köç qullanırğa çaqırğanın, kire qaqtı. Yanukoviç bu xäbärne "yalğan" dip atadı, häm andıy söyläşülärdä qatnaşmağanın äytte. Britaniädä çığa torğan Financial Times gäzite bügenge sanında, Ukrainadağı ber çığanaqqa tayanıp, oppozitsiä xökümät binaların tomalağannan soñ, Yanukoviç prezident Kuçmanı ğäskär cibärergä öndägän, dip yazıp çıqtı. Mäqälädä äytelgänçä, monıñ öçen 2 meñläp xärbi äzerlängän bulğan, Yevropa aradaşçıları köç qullanmasqa çaqırğannan soñ ğına, alar kire alınğan. Ukrainanıñ Yuğarı mäxkämäse ikençe turda Yanukoviç ciñde digän qararnı köçtän çığardı. Xäzer, 26 Dikäberdä ütäçäk qabat saylawlarda oppozitsiä citäkçese Viktor Yuçenko ciñer dip kötelä. Bügen anıñ tarafdarları ilneñ 15läp şähärendä, şul isäptän Yanukoviç töbäge sanalğan könçığışta saylaw aldı kampaniäse başladı.

XS
SM
MD
LG