Mısır, İzrail häm Quşma Ştatlar, bügen irekle säwdä turında 3-yaqlı kileşü imzaladı. Bu kileşü nigezendä Mısır tawarları, İzrail yärdäme belän Quşma Ştatlar bazarına çığarılaçaq. Ğäräp dönyasınıñ iñ zur bazarı sanalğan Mısırda isä, meñlägän eş urını buldırılaçaq, İzrail şirkätläre töplänäçäk. Başqala Kahirädä häm İskändäriä portında maxsus sänäğät bistäläre buldırılçaq. Quşma Ştatlarnıñ säwdä wäkile Robert Zoellick bu kileşüne, İzrail belän Mısır arasında 25 yıl elek ireşelgän solıxtan soñ iñ möhim iqtisadi kileşü dip atadı.
