Accessibility links

якшәмбе, 4 декабрь 2016, Казан вакыты 21:38

Saxarov büläge Belarusnıñ Jurnalistlar Berläşmäsenä birelde


Yevropa Berlegeneñ keşe xoquqları ölkäsendä akademik Saxarov isemendäge büläge bıyıl Belarusnıñ Jurnalistlar Berläşmäsenä birelde. "İrekle fiker öçen" dip atalğan büläkne Yevropa Parlamentı prezidentı Josep Borrel bügen Strassburğta Berläşmäneñ citäkeçe Janna Litvinağa tapşırdı. Büläkneñ aqçalata küläme 50 meñ yevro. Borrel süzlärençä, bu buläk "xaqlıq taratu maqsatı belän üz tormışın kön sayın qurqınıç atsına quyğan professionallarğa" birelä. Belarus jurnalistları säyäsi häm iqtisadi basımğa duçar itelä. Jurnalistlar ezärleklänä, qıynala, törmägä utırtıla, xättä xäbärsez yuğalu oçraqları bar. Janna Litvina üzeneñ çığışında bolay dide:

Audio (Janna Litvina): "Qızğanıçqa qarşı, Belarus räsmiläre ildä yabıq cämğiät tözüdä uñışqa ireşte. Bu cämğiättä demokratik qimmätlär kire qağıla. Xakimiättäge rejim mäğlümät kiñlege östennän total kontrol urnaştırdı."

Şuşı yılda ğına Belarus räsmiläre ilneñ 19 gäziten yabıp quydı.

XS
SM
MD
LG