Äye, xörmätle tıñlawçılar, Ğiraqnıñ yaña xökümäte Berläşkän Millätlärne ildä totrıqlılıq urnaştıru eşenä nığraq quşılırğa çaqıra. Düşämbedä İminlek Şurasında Ğiraqtağı wäzğiatkä bağışlanğan utırış ütte, ilneñ Berläşkän Millätlärdäge daimi wäkile Samir Şakir Mäxmüt Sumaidaye şunda, älege xalıqara oyışmanıñ Ğiraqta sülpän eş alıp baruın tänqitläp çıqtı. Anıñ süzlärenä qarağanda, Berläşkän Millätlär Oyışması xezmätkärläreneñ Ğiraq eşlärendä qatnaşuı alarnıñ çittän torıp Bagdadtağı räsmilärgä telefon itüe yäisä video cıyılışlar ütkärüe belän genä çiklänä. Utırıştan soñ xäbärçelär belän söyläşkändä Ğiraq wäkile, 30-nçı ğinwarğa bilgelängän saylawlarnıñ qanuni nigezen nığıtu eşendä Ğiraq xökümäte Berläşkän Millätlärneñ ildä äwzemräk buluına moxtac dip belderde.
Audio, Samir Sumaidaye
"Bezdä Berläşkän Millätlär xezmätkärläre kübräk bulğan sayın, nığraq küzätü aşa saylawlarnıñ döres itep üzdırıluına garantiälär dä kübräk bulaçaq. Bez tawış birüneñ döres uzdıruın ğına tügel, cämäğätçelekneñ dä monı üze kürüen telibez" di Ğiraqnıñ Berläşkän Millätlärdäge daimi wäkile. Şuşı xalıqara oyışmanıñ general'' sekretare Kofi Annan, iminlekneñ naçarayuı säbäple Ğiraqtağı xezmätkärlär sanın 59-ğa ğına qaldırğan ide. Anıñ matbuğat wäkile Fred Eckhard, 2003-nçe yıl awgustında Bagdadta BMO idaräsenä höcüm yasalğannan soñ Berläşkän Millätlär iminlek şartlarına zur iğtibar birä dip belderä.
Audio, Fred Eckhard
"Bagdadtağı bombalawdan soñ bez üz xezmätkärlärebez iminlegenä häm sawlığına zur iğtibar biräbez" di Annan wäkile Eckhrad. İminlek Şurası zamanında Ğiraqtağı BMO xezmätkärlären saqlaw öçen maxsus xalıqara köçlär buldırunı yaqlağan ide, läkin moña üz ğäskärlären cibärü telägen barı tik berniçä genä il belderde. Berläşkän Millätlärneñ Ğiraqtağı wäkile Äşräf Ğazi İminlek Şurasınıñ şul uq düşämbe utırışında, Ğiraq öçen ildäge totrıqlılıqnı nığıtu maqsatında daimi säyäsi protses başlap cibärü dä möhim dip belderde.
Audio, Äşräf Ğazi
"İmin moxitkä ireşü öçen bar ğiraqlılar arasında kileşü, aralaşu, üzara tatulaşu buldıru tırışlığı härkem öçen şart bulıp tora. Bu şulay bulmasa, säyäsi küçeşneñ caylanası urınğa totqarlanu qurqınıçı bar" di Berläşkän Millätlär Oyışmasınıñ Ğiraqtağı wäkile Äşräf Ğazi. Bügenge köndä ildä saylawçılarnı terkäw eşe bara, häm älegä ul şaqtıy caylı ğına bara. Läkin Bagdadtağı xökümätkä häm amerikannar citäkçelegendäge xalıqara köçlärgä qarşı köräşkän sönni töbäklärdä tawış birüneñ ğomumän bulmıy qalu qurqınıçı zur.
Kärim Kamal
Audio, Samir Sumaidaye
"Bezdä Berläşkän Millätlär xezmätkärläre kübräk bulğan sayın, nığraq küzätü aşa saylawlarnıñ döres itep üzdırıluına garantiälär dä kübräk bulaçaq. Bez tawış birüneñ döres uzdıruın ğına tügel, cämäğätçelekneñ dä monı üze kürüen telibez" di Ğiraqnıñ Berläşkän Millätlärdäge daimi wäkile. Şuşı xalıqara oyışmanıñ general'' sekretare Kofi Annan, iminlekneñ naçarayuı säbäple Ğiraqtağı xezmätkärlär sanın 59-ğa ğına qaldırğan ide. Anıñ matbuğat wäkile Fred Eckhard, 2003-nçe yıl awgustında Bagdadta BMO idaräsenä höcüm yasalğannan soñ Berläşkän Millätlär iminlek şartlarına zur iğtibar birä dip belderä.
Audio, Fred Eckhard
"Bagdadtağı bombalawdan soñ bez üz xezmätkärlärebez iminlegenä häm sawlığına zur iğtibar biräbez" di Annan wäkile Eckhrad. İminlek Şurası zamanında Ğiraqtağı BMO xezmätkärlären saqlaw öçen maxsus xalıqara köçlär buldırunı yaqlağan ide, läkin moña üz ğäskärlären cibärü telägen barı tik berniçä genä il belderde. Berläşkän Millätlärneñ Ğiraqtağı wäkile Äşräf Ğazi İminlek Şurasınıñ şul uq düşämbe utırışında, Ğiraq öçen ildäge totrıqlılıqnı nığıtu maqsatında daimi säyäsi protses başlap cibärü dä möhim dip belderde.
Audio, Äşräf Ğazi
"İmin moxitkä ireşü öçen bar ğiraqlılar arasında kileşü, aralaşu, üzara tatulaşu buldıru tırışlığı härkem öçen şart bulıp tora. Bu şulay bulmasa, säyäsi küçeşneñ caylanası urınğa totqarlanu qurqınıçı bar" di Berläşkän Millätlär Oyışmasınıñ Ğiraqtağı wäkile Äşräf Ğazi. Bügenge köndä ildä saylawçılarnı terkäw eşe bara, häm älegä ul şaqtıy caylı ğına bara. Läkin Bagdadtağı xökümätkä häm amerikannar citäkçelegendäge xalıqara köçlärgä qarşı köräşkän sönni töbäklärdä tawış birüneñ ğomumän bulmıy qalu qurqınıçı zur.
Kärim Kamal