Accessibility links

якшәмбе, 4 декабрь 2016, Казан вакыты 19:30

Mäskäw ölkäse milli mädäni möxtäriätenä 5 yäş


Mäskäw ölkäse milli mädäni möxtäriäte üzeneñ 5 yıllığına bağışlanğan çara ütkärde. Soñğı yıllarda tatar cämäğätçelege arasında Mäskäw ölkäse milli mädäniä autonomiäseneñ äberuyı şaqtí üste. Älbättä bolar barısı da alarnıñ eşçänlege belän bäyle. Bäyrämgä wäkillär häm qunaqlar Mäskäw ölkäseneñ 20 şähärennän genä kilep qalmağan, xattä Qostroma, Vladimir, şähärlärennän dä häm Tatarstannan da bar ide. Oçraşu mädäni üzäkneñ zur zalında bäyrämçä , läkin isertkeç eçemleklärsez genä üzerlängän 200 keşene sídırğan tabın artında uzdı. Bäyräm qunaqlarsız bulmağan kebek, büläklärsez dä bulmadı älbättä. Tatarstannıñ Rusiä Federasísındağı wäkälätle wäkile Nazif Mirixänov ta yübilyärlarnı Tatarstan citäkçelege isemennän qotlap büläklär häm maqtaw gramotaları tapşırdı. Ä inde Tatarstan qunağı Federal möxtäriät räise Rimzil Waliev Mäskäw ölkäseneñ ike awtiwistı Xämdiä Ramayıwa häm Rämilä Kamaıwağa Bötendönya tatar kongressı Renat Zaqírov isemennän ixtiramnämälär tapşırdı, Mäxtäriätneñ üzenä tizdän Qazanda ğostrolläre başlanaçaq cırçı Cämiläneñ cırları yazılğan qasseta büläk itte. Qotlawlar küp buldı ul könne. Qunaqlar öçen iñ qızıqlısı mäskäw ölkäsendä möxtäriät tözelgännän soñ tuğan 4-5 yäşlek tatar balalarınıñ çığışı bulğandır. Alar öçen şiğırlärne Rawil Raxmani yazğan. Balalarnıñ “milli bäxet telibez!” digän süzläre barısınıñ küñelenä xuş kilde. Milli bäxet teläw bu yaña teläk dide Nazif Mirixänov Mäskäw ölkäseneñ.Milli mädäni möxtäriäte soñğı yıllarda zur ğına çaralar ütkärde. “Berlek” dip atalğan eşquarlar oyışmasın tözüdä möxtäriät citäkçese Färit Moxtasarovnıñ da öleşe zur. Bäyräm waqıtında bez anıñ belän şul turıda da söyläşlşçr buldı.

Näzifä Kärimowa, Mäskäw.

XS
SM
MD
LG