Ğiraq saylawların äzerläwçe räsmilärneñ süzlärenä qarağanda, ğinwarnıñ 30-ına bilgelängän tawış birüdä qatnaşu öçen yaqınça 70-läp säyäsi partiä häm oyışma terkälgän. Alar arasında, elegräk saylawlarğa boykot belderü belän yanağan qayber sönni törkemnär dä bar. Çärşämbe başlanğan saylawaldı kampaniäse iğtibarnı şunıñ belän cälep itä - saylawlarda qatnaşu häm yaña mäclestä eşläw telägen şaqtıy ğına partiä beldersä dä, alarnıñ Ğiraq tormışındağı möhim problemalar turında nindi qaraşta toruı, alarnı niçek xäl itärgä cıyınuı mäğlüm tügel. Londondağı İqtisad mäktäbe xezmätkäre Yaxya Säyet fikerençä, xäzer başlanğan saylawaldı kampaniäse menä şuña açıqlıq kertä ala.
Audio, Yaxya Säyet
"Älegä qädär bäxäslär yä saylawlarnı kiçekterü, yä alarnı waqıtında ütkärü, sönnilärneñ anda qatnaşuı-qatnamawı turında ğına ide. Häm älegä qädär bez üzara yarışqan partiälärdän bernindi dä säyäsi programmalar işetmädek. Ä här saylawnıñ möhim yağı isä - törle nämzätlärneñ närsä täqdim itüen, närsä uylawın, misal öçen ildä çit il köçläre buluına niçek qarawın belü" di Yaxya Säyet. Ul, yaña mäcleskä saylanırğa telägän partiälärneñ Ğiraqta nindi iqtisadi çaralar kürergä cıyınuın, ilneñ federativ tözeleşkä küçü ixtimalına nindi qaraşta toruın belü bik ähämiatle dip isäpli. Yaña tormışqa küçüne Ğiraq citäkçelege iskese belän aralarnı tamırdan ezü aşa alıp barmaqçı - waqıtlı premyer-ministr İyad Ğälläwi sişämbedä, inde kiläse atnada uq Saddam xökümätendäge qayber türälärneñ eşen qarağan mäxkämälär açılaçaq dip belderde. Anıñ süzlärençä, elekke xakimiatneñ yöze bulıp torğan şul şäxeslärgä xökemnär ber-ber artlı çığarılaçaq. Saddam üze qayçan mäxkämä qarşına basaçaq, bu xaqta älegä mäğlümat yuq. İnde fikere yañğırağan Yaxya Säyet, Ğälläwineñ şuşı belderüe anıñ inde üz saylawaldı kampaniäsen başlawın kürsätä dip belderä.
Audio, Yaxya Säyet
"Mäxkämä kiläse atnada ğına başlanaçaq, anıñ tiz genä tämamlanuı şart tügel. Minemçä, Ğälläwineñ belderüe ul başlağan saylawaldı äzerlegeneñ ber öleşe bulıp tora, ul şuşı mäs''älädä täräqqiat buluın kürsätergä tırışa häm bu xalıqnı cälep itär dip ömetlänä, ämma mäxkämä minemçä, bik ozaq baraçaq". Bu Londondağı İqtisad mäktäbe xezmätkäre Yaxya Säyet fikere ide. Ul, Saddam xakimiateneñ qayber dähşätle wäkillären xökem itü Ğiraqnıñ waqıtlı xökümäte abruyın üsterä ala dip isäpli. Çärşämbedä saqlanu ministrı Xäzim äs-Saalan, berençe bulıp "ximik Ğäli" digän quşamatı belän tanılğan Ğäli Xäsän äl-Mäcit mäxkämäse açılaçaq dip belderde. Saddamnı yaqlawçı xoquqçılar törkeme xökümätneñ şulay aşığıp eş itüen tänqitli häm ul monı säyäsi maqsatlardan çığıp qına eşli dip isäpli. Şul xoquqçılarnıñ berse Möxämmäd äl-Raşdan radiobızğa bolay dip belderde:
Audio, Möxämmäd äl-Raşdan
"Alar saylawlar aldınnan närsä dä bulsa eşlärgä teli häm bu säyäsi maqsatlardan çığıp eşlänä. Alar elek tä şuşı mäxkämälärne saylawlar aldınnan başlayaçağın belderep torğan ide" di Saddamnı yaqlawçı advokatlarnıñ berse Möxämmäd äl-Raşdan, xökümät xäzer şul niäten ğämälgä quya digän fiker belän. Ul üzeneñ xäzerge Ğiraqta Saddam keşelärenä ğadel xökem çığarılır dip uylamawın da äytä.
Kärim Kamal
Audio, Yaxya Säyet
"Älegä qädär bäxäslär yä saylawlarnı kiçekterü, yä alarnı waqıtında ütkärü, sönnilärneñ anda qatnaşuı-qatnamawı turında ğına ide. Häm älegä qädär bez üzara yarışqan partiälärdän bernindi dä säyäsi programmalar işetmädek. Ä här saylawnıñ möhim yağı isä - törle nämzätlärneñ närsä täqdim itüen, närsä uylawın, misal öçen ildä çit il köçläre buluına niçek qarawın belü" di Yaxya Säyet. Ul, yaña mäcleskä saylanırğa telägän partiälärneñ Ğiraqta nindi iqtisadi çaralar kürergä cıyınuın, ilneñ federativ tözeleşkä küçü ixtimalına nindi qaraşta toruın belü bik ähämiatle dip isäpli. Yaña tormışqa küçüne Ğiraq citäkçelege iskese belän aralarnı tamırdan ezü aşa alıp barmaqçı - waqıtlı premyer-ministr İyad Ğälläwi sişämbedä, inde kiläse atnada uq Saddam xökümätendäge qayber türälärneñ eşen qarağan mäxkämälär açılaçaq dip belderde. Anıñ süzlärençä, elekke xakimiatneñ yöze bulıp torğan şul şäxeslärgä xökemnär ber-ber artlı çığarılaçaq. Saddam üze qayçan mäxkämä qarşına basaçaq, bu xaqta älegä mäğlümat yuq. İnde fikere yañğırağan Yaxya Säyet, Ğälläwineñ şuşı belderüe anıñ inde üz saylawaldı kampaniäsen başlawın kürsätä dip belderä.
Audio, Yaxya Säyet
"Mäxkämä kiläse atnada ğına başlanaçaq, anıñ tiz genä tämamlanuı şart tügel. Minemçä, Ğälläwineñ belderüe ul başlağan saylawaldı äzerlegeneñ ber öleşe bulıp tora, ul şuşı mäs''älädä täräqqiat buluın kürsätergä tırışa häm bu xalıqnı cälep itär dip ömetlänä, ämma mäxkämä minemçä, bik ozaq baraçaq". Bu Londondağı İqtisad mäktäbe xezmätkäre Yaxya Säyet fikere ide. Ul, Saddam xakimiateneñ qayber dähşätle wäkillären xökem itü Ğiraqnıñ waqıtlı xökümäte abruyın üsterä ala dip isäpli. Çärşämbedä saqlanu ministrı Xäzim äs-Saalan, berençe bulıp "ximik Ğäli" digän quşamatı belän tanılğan Ğäli Xäsän äl-Mäcit mäxkämäse açılaçaq dip belderde. Saddamnı yaqlawçı xoquqçılar törkeme xökümätneñ şulay aşığıp eş itüen tänqitli häm ul monı säyäsi maqsatlardan çığıp qına eşli dip isäpli. Şul xoquqçılarnıñ berse Möxämmäd äl-Raşdan radiobızğa bolay dip belderde:
Audio, Möxämmäd äl-Raşdan
"Alar saylawlar aldınnan närsä dä bulsa eşlärgä teli häm bu säyäsi maqsatlardan çığıp eşlänä. Alar elek tä şuşı mäxkämälärne saylawlar aldınnan başlayaçağın belderep torğan ide" di Saddamnı yaqlawçı advokatlarnıñ berse Möxämmäd äl-Raşdan, xökümät xäzer şul niäten ğämälgä quya digän fiker belän. Ul üzeneñ xäzerge Ğiraqta Saddam keşelärenä ğadel xökem çığarılır dip uylamawın da äytä.
Kärim Kamal