Accessibility links

җомга, 9 декабрь 2016, Казан вакыты 13:06

Afenda avtobus yulçıları totıq itep alındı


Gretsiä başqalasında bügen ike qorallanğan keşe ber avtobusta 26 yulçını totıq itep aldı. Cirle citäkçe Evangelos Meksis, yulçılarnıñ kübese irtä belän eşkä baruçılar dide:

Audio (Evangelos Meksis): "Avtobus irtänge 5:15 tä Marafonnan Afenğa çıqqan. Yulda tuqtap berniçä keşene alğan. Yulçılarnıñ kübese Marafonnan, Afen tiräsendä eşläwçelär, eşkä baruçılar. Bezgä xäzer tınıç bulırğa kiräk. Min häm minem yärdämçelär keşelärne qotqaru östendä eşlibez."

Berniçä säğättän totıq aluçılar totıqlarnı irekkä çığara başladı. Xäzergä alarnıñ yaqınça yartısı azat itelgän. Yulçılarnıñ berse, totıq aluçılarnıñ oçqıç taläp itüen häm Rusiägä oçırğa teläwen äytte. Totıq aluçılarnıñ kem ikännäre tögäl mäglüm tügel, Grek politsiäse, alar yä urıslar, yä albannar, di. Monı açıqlaw öçen urınğa Rusiä häm Albaniä diplomatları çaqırıldı. Avtobus Afen çitendä tora, tirä yağında politsiä häm aşığıç yärdäm maşinaları.

XS
SM
MD
LG