Accessibility links

чәршәмбе, 7 декабрь 2016, Казан вакыты 19:33

Ğiraqta saylaw aldı kampaniäse başlandı


Bügen Ğiraqta namzätlärne terkäw waqıtı çığa häm räsmi räweştä saylaw aldı kampaniäse başlana. Saylaw räsmiläre äytüençä, barlığı 70 partiä häm 9 koalitsiä terkälgän. Ğinwarnıñ 30nda ütäçäk saylawlarda ğiraqlılar 275 keşedän torğan Milli Mäcles saylıy. Bu Mäcles yaña xökümät bilgeläw häm ilneñ Konstitutsiäsen yazu eşen xäl itergä tieş bulaçaq. Ğiraqnıñ waqıtlı premier-ministrı Ayad Allawi bügen Bagdadta bolay dide:

Audio (Ayad Allawi): "Ğiraq öçen yaña çor başlanırğa torğanda, Ğiraq xalqı üz tarixında berençe tapqır saylawğa äzerlängändä, bez demokratiä protsessına quşılıp, bar xalıqnıñ taläbenä cawap birgän, törle qatlamnarnı çağıldırğan isemlek iğlan itäbez."

Ğiraqqa bäyle başqa ber xäbärdä, Saqlanu minsitrı Hazem Shaalan İran belän Süriäne Ğiraqta terror höcümnäre oyıştıruda ğäyepli. Anıñ süzlärençä, bu ike ilneñ küzläw xezmätläre Äbü Musa Äl-Zarqawiğa yärdäm itä. İran xökümäte wäkile Abdulla Ramazan-zade bu ğäyepläwne "propaganda" dip atadı.

XS
SM
MD
LG