Accessibility links

Кайнар хәбәр

Yevropa Parlamentı Törkiä belän söyläşülär başlarğa çaqıra


Yevropa Parlamentı bügen Yevropa Berlege citäkçelären Törkiä belän ozaqqa suzmıyça äğzalıq turında söyläşülär başlarğa çaqırdı. Berük waqıtta Parlament Ankaranı demokratik üzgäreşlär başqarırğa häm Kiprnı tanuğa taba adımnar yasarğa çaqırdı. Bu qarar öçen 407 deputat uñay, 262se qarşı tawış birde. Mäcbüri bulmasa da, bu qarar atnakiç könne Brusselda açılaçaq tarixi sammit aldınnan räsmilärgä yoğıntı yasar dip kötelä. Parlament qararında şulay uq Törkiädä cäzalawlarnı beterergä çaqırğan matdä bar. Bügen Ankarada Törkiä Tışqı eşlär minsitrı Abdulla Gül bolay dide:

Audio (Abdulla Gül): "Bez, Törkiä bar yöklämälären ütäde, dip sanıybız. Şuña kürä bezneñ ömetlär xaqlı. Bez, Yevropa Berlege citäkçeläre kiñ qaraş belän, üzläreneñ süzlären häm imzaların istä totıp eş iter, äğzalıq turında söyläşülärne 2005 yılda başlarğa qarar iter dip ömetlänäbez."

Elegräk Berlektä räislek itüçe Hollandia premier-ministrı Jan Peter Balkenende bu atnada ütäçäk sammitta Törkiä belän söyläşülär başlaw mäsäläsendä kileşügä ireşü awır bulır, digän ide.
XS
SM
MD
LG