Accessibility links

чәршәмбе, 7 декабрь 2016, Казан вакыты 23:25

İzrail Yaqın Könçığış mäsäläsendä xalıqara sammit cıyarğa çaqıra


İzrail Tışqı eşlär ministrı Silvan Shalom Yaqın könçığışta solıx söyläşülären yañartu öçen yaña xalıqara sammit oyıştırırğa çaqırdı. Anıñ süzlärençä, Fälestin citäkçese Yasir Arafatnıñ wafatı "yaña forsat" bulıp tora. Shalom, dönya citäkçeläre qatnaşında, 2003 yılda İordaniädä şikelle, yaña sammit cıyarğa çaqıra. 2003neñ Yünendä Aqaba sammitında "yul xaritası" digän plan iğlan itelgän ide. Arafat wafatınnan soñ Fälestinne Azat itü oyışması citäkçese bulğan Mäxmüt Abbas, Fälestin iminlek xezmätläreneñ kübese berläşterelde, dip belderde. Bu berläşterüne Quşma Ştatlar häm İzrail taläp itä ide. Abbasnıñ, İzrailgä qarşı ğisyannı tuqtatırğa çaqıruın, Quşma Ştatlar xuplap qarşı aldı. Londonda çığa torğan "Ä-Şarq Äl-Awsat" gäzitenä birgän äñgämäsendä Abbas, "qoral qullanu Fälestinlelärgä zıyan kiterä, monı tuqtatırğa kiräk" dip beldergän ide.

XS
SM
MD
LG