Accessibility links

якшәмбе, 11 декабрь 2016, Казан вакыты 09:08

Saakaşvili Gruziäneñ bötenlegen qaytarırğa cıyına


Gruziä prezidentı Mixail Saakaşvili tağın ber tapqır, separatist Abxaziä häm Könyaq Osetiä östennän kontrol urnaştıru niäten belderde. İlneñ xärbi citäkçeläre aldında çığış yasap, Saakaşvili, yaña Saqlanu ministrı İrakli Okruaşvili, Grusiäneñ bötenlege qayatarılğançı, urınında qalaçaq, dip belderde:

Audio (Mixail Saakaşvili): "Saqlanu ministrı bıyıl ğına ike tapqır alıştırıldı. Bu sezneñ öçen awır, beläm, di Saakaşvili. Min sezgä prezident süze biräm: İrakli Okruaşvili, ilneñ bötenlege qayatarılğançı, ministr bulıp qalaçaq. Ul bu urınğa şunıñ öçen kilde."

Kiçä xökümättä başqarılğan üzgäreşlärgä qädär, Okruaşvili Eçke eşlär ministrı ide. Näq menä anıñ citäkçelege waqıtında bıyıl Eçke eşlär ministrlığı ğäskärläre Könyaq Osetiägä kertelgän ide. Saakaşvili Gruziäneñ bötenlegen qaytarunı üzeneñ töp maqsatı itep quya. Üzbilgelängän Acarstan respublikasında üzäk xökümätneñ kontrole inde qaytarıldı.

XS
SM
MD
LG