Accessibility links

якшәмбе, 11 декабрь 2016, Казан вакыты 10:58

AQŞta İran, Sudan häm Kuba kitaplarına tıyu beterelde


Quşma Ştatlar İran, Sudan häm Kuba yazuçılarnıñ kitapların bastıruğa bulğan tıyunı beterde. Tıyu, bu 3 ilgä bulğan embargo qısalarında kertelgän ide. İrannıñ keşe xoquqları yaqlawçısı, Nobel tınıçlıq bülägenä iä bulğan Şirin Ebadi mäxkämägä möräcäğät itkännän soñ, tıyu alındı. Azatlıqqa birgän äñgämäsendä Şirin xanım monı döreslekneñ ciñüe dip atadı:

Audio (Şirin Ebadi): "Quşma Ştatlarda mädäni awırlıqlar kiçergän, üz kitapların bastıra almağan İranlılar öçen bu zur ciñü. Döreslekneñ ciñep çığuı eblän min bik bäxetle. Mänfäğät xaqına ğädellekne qorban itmägän, döres qarar qabul itüçelärgä räxmät belderäm."

Amerikanıñ berniçä näşriäte dä, kitap bastırunı tıyu irekle mäglümät alışuğa kirtä bulıp tora, şul säbäple Konstitutsiäne boza, dip Mäxkämägä möräcägät itkän ide. Yaña qağidägä kürä näşriätlär, İran, Sudan häm Kuba yazuçılarnıñ kitapların bastıra ala, ämmä bu illärneñ xökümätläre belän eş itergä tieş tügel. Washington bu 3 ilne xalıqara terrorçılıqqa yärdäm itüdä ğäyepli.

XS
SM
MD
LG