Accessibility links

чәршәмбе, 7 декабрь 2016, Казан вакыты 13:28

Tatnet: nigä kazak tatarnı yılata?


Ukrainadağı xällärgä iğtibar kimesä dä, säyäsi wazğiät kierenke bulıp qala. Häm yıraq Ukraindağı xällärneñ Tatarstanğa bäyläneşe barlığa açıqlandı. Tatarstan satıp alğan «Ukrtatnafta» şirkäteneñ kiläçäk yazmışı, küpmeder däräcädä, Ukraina saylawlarına bäyle. Çönki nämzätlärneñ berse ere biznes kileşülärne köçennän çığaram, dip wäğdä itkän bulğan. «Ukrtatnafta» tiräsendä barğan milek köräşe kiñ cämäğätçelekkä bilgele bulmasa da, soñğı waqıtlarda xäbärlär dönyağa tarala başladı.Häm berençe çiratta İnternetta. Başta, kompromat.ru saytında Tatarstannıñ xökümät räiseneñ berençe urınbasarı Rawil Moratovnıñ Ukrainanıñ däräcäle keşelärneñ berse belän ütkärelgän söyläşüneñ eçtälege basılıp çıqtı. Bu könnärdä, İnternetta Rawil Moratovnıñ räsmi bulmağan saytı päydä buldı. Adresı www.muratov.net.ua Ua – digän xäreflär, Ukrainda däwlätenä işärä itä. Anda Tatarstan 1nçe vitse-premeyrı Rawil Moratovnıñ räsmi bulmağan internet säxifäsendä sälämlibez digän. Säxifädä biografiä, mäqälälär, forum kebek büleklär bulsa da, alar nigezdä buş. Sayt ukrain ostaları uylap tapqan uyınnı urnaştırır öçen eşlängäne bulırğa mömkin.

Säxifädä äytelgänçä, Xäzer Yuğarı Radada «Niçek kazaklar tatarlar belän köräşte?» digän uyınnı sınap qarıylar, soñınnan ul irekle räweştä internet aşa taratılaçaq, dielä.

Uyın Moratovqa oxşağan, çuqça xalqı kieme kigän keşedän häm kazak surätennän tora. Uyınnıñ mäğnäse Tatarğa Ukrain neftedollarların uralarğa birmäw dip yazılğan. Anıñ öçen ukrain milli kiemen kigän keşe Rawil Moratovqa oxşağan keşegä alma belän ata häm dollarlar üsep utırğan ağaçqa yaqın kilergä birmi. Uyın axırında kazak keşesenä fälän meñ grivna aqça häm gorilka birelä, a Tatarstan vitse-premyerına oxşağan keşe yılıy. Ni säbäple Rawil Moratovqa oxşağan keşegä alma belän atarğa kiräk, häm nigä kazaklar tatarnı yılata – www.moratov.net.ua säxifäsendä añlatılmıy.

Bikä Timerova.

XS
SM
MD
LG