Accessibility links

якшәмбе, 11 декабрь 2016, Казан вакыты 11:03

Başqortstan Tatar Kongressı Başqarma Komitetı utırışı ütte


17 dekäber könne Ufada Başqortstan Tatar kongressı Başqarma qömitetınıñ bu yıldağı soñğı utırışı bulıp ütte. Bu yıldağı eşlärgä yomğaq yasaw häm kiläse yılğa burıçlar bilgeläwgä bağışlandı ul. Utırışnı BR Tatar kongressı başqarma qömitetı räise Eduard Xämitov açtı häm alıp bardı.

«Bıyıl Başqortstan Tatar milli – mädäni moxtäriäten oyıştıru republíktağı tatar milli xäräkäten ikegä bülde, şul isäptän BR Tatar kongressı Başqarma qömitetı äğzaların da, – dide E. Xämitov. – Kemder bu moxtäriätne oyıştırunı yaqlasa, bäğze beräwlär aña kisken qarşı çıqtı. Bu añlaşıla da, mondí çeterekle eş törle fikerlär tudıra».

Utırışta çığış yasağan BR Tatar kongressı Başqarma qömitetı räise urınbasarı Ramil Bignov Başqarma qömitet eşçänlegenä häm anıñ räise Xämitov äfändeneñ eşenä tiskäre bäyä birde. Anıñ fikerlären Başqarma qömitet äğzaları Kärim Yawşev belän Zahir Xäkimov ta xupladı.

Tora – bara utırışta bäxäslär qıza töşte häm üzara ğäyepläwlär tösen aldı. Kongressnıñ kiläse yılğa eş planın tikşerü dä kilep çıqmadı. Kemnärder Eduard Xämitovnı yaqlasa, qayberäwlär aña kisken qarşı çıqtı. Şulay itep Tatar kongressı Başqarma qömitetınıñ bıyılğı soñğı utırışı da bäxäslärdä ütte. Şuña da, qayberäwlär fikerençä, kiläçäktä BR Tatar kongressı Başqarma qömitetı äğzalarınıñ añlaşıp, berdäm eşläwe bik tä ikele.

XS
SM
MD
LG