Accessibility links

Кайнар хәбәр

Yevropa Berlege belän Törkiä kileşügä ireşte


Bügen Brusselda barğan Yevropa Berlege sammitında Törkiä häm Yevropa Berlege diplomatları, Törkiäneñ äğzalığı turında söyläşülär başlaw mäsäläsendä, nixayät, kileşügä ireşkän dip xäbär itelä. Kileşüneñ neçkälekläre älegä bilgele tügel, ber taraf ta räsmi belderü yasamadı. Uzğan töndä Törkiäneñ Berlekkä kerüe turındağı säyläşülärne kiläse yılnıñ Üktäberendä başlarğa kileşengän ide. Ämmä bügenge söyläşülär Kipr tiräsendäge qarşılıq arqasında körçekkä terälde. Berlek citäkçeläre äzerlägän qarar ölgesendä, Törkiä Kipr xökümäten tanıuı turındağı protokolnı bügen ük tamğalarğa, söyläşülär başlanğançı imzalarğa tieş dielgän ide. Törkiä räsmiläre Yevropa Berlege artıq küpne taläp itä dip sanıy. Kipr utrawı 1974 yıldan birle ikegä bülengän xäldä: xalıqara tanılğan könyaq grek öleşe häm tönyaq törek öleşenä. Greklar qarşı bulu säbäple, utrawnı berläşterü referendumı ütmägännän soñ, Kiprnıñ grek öleşe bıyıl Yevropa Berlegenä alındı.
XS
SM
MD
LG