Bügen Ğiraqtan kilgän xäbärlärgä qarağanda anda köç qullanular däwam itä. Şahitlär äytüençä, tönyaqtağı Mosul şähärendä bitlek kigän keşelär, 4 keşene maşinalarınnan süräp çığarıp, üterep kitkän. Moña şahit bulğan Abdulla Zöbäidi süzlärençä, höcümçelär 3 keşene atqan, dürtençeseneñ başın kiskän. Körd qaçaqları qaytıp urnaşa torğan Kirkuk lagerında bulğan raketa höcüme näticäsendä 3 keşe hälaq bulğan. Saddam bärep töşerelgännän soñ monda 14 meñläp körd qaçağı qaytqan ide. Ul arada Fälluca Şurası başlığı Möxämmät İbrahim süzlärençä, Fälluca xalqına da aqrınlap öylärenä qayta başlarğa röxsät itelgän. Uzğan ayad Amerikan xärbiläre höcümnäre waqıtında, Fällucadan 200 meñläp keşe kitkän ide.
