Accessibility links

Ğiraq şähärlärendä bulğan şartlawlarda kimendä 60 keşe hälak buldı


Bagdad. Ğiraqnıñ Näcäf häm Kärbala şähärlärendä ike maşina bombası şartlatu näticäsendä kimendä 60 keşe hälak buldı, 90-läp keşe törle cäräxätlär aldı. Näcäftäge xastaxanä xezmätkärläre süzlärenä qarağanda, ülüçelärneñ 48-e şul şähärdä. Kärbalada şartlaw berniçä säğät irtäräk bulğan häm anda kimendä 10 keşe ülgän. Älege höcümne intihar başqarğan dip xäbär itelä. Bügen irtäräk Bagdadta qorallı törkem saylawlarğa äzerlek eşen alıp barğan 3 ğiraqlını atıp ütergän ide. Ul arada ikençe ber qorallı törkem totıq itep alğan 10 ğiraqlını üterü belän yanıy. Alar Quşma Ştatlarnıñ ber iminlek saqlaw şirkätendä eşli dip äytelä. Ğisyançılar, älege şirkät üzeneñ Ğiraqtağı eşen tuqtatırğa tieş digän taläp quya.
XS
SM
MD
LG