Accessibility links

шимбә, 3 декабрь 2016, Казан вакыты 01:23

"Yuganskneftegaz"nı satışta älegä qädär kiñ tanılmağan şirkät satıp aldı


Mäskäw. YUKOS şirkäteneñ iñ zatlı öleşe sanalğan "Yuganskneftegaz"nı älegä qädär kiñ tanılmağan finans törkem - "Baykalfinansgrup" satıp ala. Älege şirkät räsmi töstä Tver şähärendä urnaşqan dip xäbär itelä häm ul bügen Mäskäwdä uzğan satışta "Yuganskneftegaz" öçen, ikençe däğwaçı "Gazprom"ğa qarağanda kübräk aqça täqdim itkän. Bu xaqta satışnı oyıştırğan xäyät räise Yuri Savin belderde. "Yuganskneftegaz" öçen "Baykalfinansgrup" cämğese 9 milliard 350 million dollar birgän. Rusiä xakimiate yäkşämbe könge satışnı YUKOSnıñ däwlätkä bulğan salım burıçların qaytaru öçen oyıştırğan ide. Bu san 27 yarım milliard dollar dip belderä Rusiä xökümäte. YUKOS üze, san döres tügel, YUKOSqa qarşı çaralar barı tik anıñ elekke başlığı Mixail Xodorkovskine pıçratu maqsatında ğına kürelä dip isäpli.

XS
SM
MD
LG