Baykalfinansgrupnıñ artında kem tora? İldäge iñ ere nefte çığaruçı şirkätlärneñ berseneñ yaña xuçası bulğannan soñ här kem menä şundıy sorau quya. Baykalfinansgrup 9 miliard 300 milion dolarğa Yuganskneftegaz şirkäteneñ 77 protsentına xuca buldı. Yaña xucanı Russiä Federal Milek Fondınıñ Ural bülege räsmise Valeri Suvorov 90 minutqa ğına suzılğan auksionnan soñ bolay dip iğlan itte.
Audio
"Min ber nomerle häm iñ küp aqça, 260 miliard 753 milion 447 meñ 303 rubel häm 14 kopek täqdim itkän ciñüçene iğlan itäm. Täbrik itäm."
Bu Baykalfinasgrup Gazpromnıñ yaki xökümät belän bäyläneşe bulğan başqa ber şirkätneñ törkeme digän spekulatsiägä säbäp buldı. Dävlät Dumanıñ liberal deputatı İrina Xakamada , finans resurlarığa bay ber kemgä dä mäğlum bulmağan ber şirkät Russiädä genä andıy auksionda ciñep çığa ala dip belderde. Russiä Federal Milek Fondı başlığı Yuri Petrov ta ciñüçe turında mäğlümäteneñ bik az buluın iqrar itte.
Audio
"Ber kem dä cavap birä almıy, çönki bu bezneñ öçen kötelmägän ber närsä buldı. Döreseräge bez bu şirkät turında ber närsä dä belmibez."
Baykalfinansgrup üzeneñ Russiäneñ Tver şähärendä terkälgän buluın belderä. Läkin, Vremyö Novostey gazetasınıñ bügen yazuınça, auksion dokumentlardağı adress ber barnıqı. Annan başqa bu şirkät auksionnan dürt kön elek kenä 15-nçe dikäberdä genä terkälgän. Bu auksonda tağı Gazpromneft kenä qatnaşqan . Läkin, ul Baykalfiansgrup täqdim itkän bäyädän küberäk aqça täqdim itmägän. Ni öçen Gazprom yuğarıraq bäyä täqdim itmäde digän sorauğa cavap tabu qıyın. Bälkim monda AQŞ mäxkämäseneñ Dikäberneñ 16-nda Yukos belän bäyläneşle här törle transaksilärne vaqıtlıça tuqtatuı säbäp bulğandır. Russiä xökümäte bu qararnı tanımauın häm auksionnıñ planlanğança ütäçägen belderde. Küzätüçelärneñ farazlauınça, Gazprom legal cavaplılıq almas öçen auksionda öçençe taraf belän qatnaşunı mäşküleräk tapqandır. AQŞ mäxkämäseneñ qararı Gazpromğa Yuganskneftegaznı satıp alır öçen burıçqa aqça birergä äzer torğan Könbatış bankalarının monan vaz kiçülärenä kiterde. Gazprom üze Baykalfinansgrup belän bäyläneşeneñ buluın kire qaqtı. İseme äytelmägän ber Gazprom räsmise Baykalfinansgruppasınıñ artında Kreml belän bäyläneşe bulğan başqa ber şirkätneñ Surgutneftegaznıñ toruı mömkin dip beldergän. Anıñ farazlauınça, Surgutneftegaznıñ Yuganskneftegaznı soñğaraq satuı yaki Gazpromğa urtaq eşkärtüne täqdim itüe mömkin. Mäskävdäge Troyka Dialog İnvestment Bankınıñ tikşerü bülege mödire James Fenkner mondıy añlatma birde.
Audio
"Bazardağı ğomumi qaraş bu- AQŞ mäxkämäse qararı säbäple ber yaqtan auksionnı planlağança ütkärä teläge bulsa, çönki kiçekterü Russiä xökümäteneñ abruyın töşerer ide, ikençe yaqtan soñğı çiktä Gazprom yaki Surgutneftegaznıñ ciñüen buldıru."
Üz nävbätendä Surgutneftegaz Yuganskneftegaz aksiäläreneñ satıluı belän ber nindi dä bäyläneşeneñ bulmauın belderde. Russiä küzätüçeläre ber mäsälädä urtaq fikerdä. Baykalfinasgrupnıñ artında kem genä tormasın dävlät anardan yıraqta tügel. Baykalfinansgrup ike atna eçendä 9 miliard 300 milion dolarnı tülämägän xäldä, yaña auksionnıñ ütkärelüe yäisä aksiälärneñ turıdan-turı dävlät qulına tapşırıluı mömkin. Bälkim töp maqsät nefte häm gaz industriäsen yañadan dävlätläşterüder.
Färit İdelle, Praga.
Audio
"Min ber nomerle häm iñ küp aqça, 260 miliard 753 milion 447 meñ 303 rubel häm 14 kopek täqdim itkän ciñüçene iğlan itäm. Täbrik itäm."
Bu Baykalfinasgrup Gazpromnıñ yaki xökümät belän bäyläneşe bulğan başqa ber şirkätneñ törkeme digän spekulatsiägä säbäp buldı. Dävlät Dumanıñ liberal deputatı İrina Xakamada , finans resurlarığa bay ber kemgä dä mäğlum bulmağan ber şirkät Russiädä genä andıy auksionda ciñep çığa ala dip belderde. Russiä Federal Milek Fondı başlığı Yuri Petrov ta ciñüçe turında mäğlümäteneñ bik az buluın iqrar itte.
Audio
"Ber kem dä cavap birä almıy, çönki bu bezneñ öçen kötelmägän ber närsä buldı. Döreseräge bez bu şirkät turında ber närsä dä belmibez."
Baykalfinansgrup üzeneñ Russiäneñ Tver şähärendä terkälgän buluın belderä. Läkin, Vremyö Novostey gazetasınıñ bügen yazuınça, auksion dokumentlardağı adress ber barnıqı. Annan başqa bu şirkät auksionnan dürt kön elek kenä 15-nçe dikäberdä genä terkälgän. Bu auksonda tağı Gazpromneft kenä qatnaşqan . Läkin, ul Baykalfiansgrup täqdim itkän bäyädän küberäk aqça täqdim itmägän. Ni öçen Gazprom yuğarıraq bäyä täqdim itmäde digän sorauğa cavap tabu qıyın. Bälkim monda AQŞ mäxkämäseneñ Dikäberneñ 16-nda Yukos belän bäyläneşle här törle transaksilärne vaqıtlıça tuqtatuı säbäp bulğandır. Russiä xökümäte bu qararnı tanımauın häm auksionnıñ planlanğança ütäçägen belderde. Küzätüçelärneñ farazlauınça, Gazprom legal cavaplılıq almas öçen auksionda öçençe taraf belän qatnaşunı mäşküleräk tapqandır. AQŞ mäxkämäseneñ qararı Gazpromğa Yuganskneftegaznı satıp alır öçen burıçqa aqça birergä äzer torğan Könbatış bankalarının monan vaz kiçülärenä kiterde. Gazprom üze Baykalfinansgrup belän bäyläneşeneñ buluın kire qaqtı. İseme äytelmägän ber Gazprom räsmise Baykalfinansgruppasınıñ artında Kreml belän bäyläneşe bulğan başqa ber şirkätneñ Surgutneftegaznıñ toruı mömkin dip beldergän. Anıñ farazlauınça, Surgutneftegaznıñ Yuganskneftegaznı soñğaraq satuı yaki Gazpromğa urtaq eşkärtüne täqdim itüe mömkin. Mäskävdäge Troyka Dialog İnvestment Bankınıñ tikşerü bülege mödire James Fenkner mondıy añlatma birde.
Audio
"Bazardağı ğomumi qaraş bu- AQŞ mäxkämäse qararı säbäple ber yaqtan auksionnı planlağança ütkärä teläge bulsa, çönki kiçekterü Russiä xökümäteneñ abruyın töşerer ide, ikençe yaqtan soñğı çiktä Gazprom yaki Surgutneftegaznıñ ciñüen buldıru."
Üz nävbätendä Surgutneftegaz Yuganskneftegaz aksiäläreneñ satıluı belän ber nindi dä bäyläneşeneñ bulmauın belderde. Russiä küzätüçeläre ber mäsälädä urtaq fikerdä. Baykalfinasgrupnıñ artında kem genä tormasın dävlät anardan yıraqta tügel. Baykalfinansgrup ike atna eçendä 9 miliard 300 milion dolarnı tülämägän xäldä, yaña auksionnıñ ütkärelüe yäisä aksiälärneñ turıdan-turı dävlät qulına tapşırıluı mömkin. Bälkim töp maqsät nefte häm gaz industriäsen yañadan dävlätläşterüder.
Färit İdelle, Praga.