Accessibility links

Кайнар хәбәр

Prezident G.Bush ikençe möddätendä berençesendäge kebek qıyu bulaçaqmı ?


Prezident G.Bush fikrençä, anıñ ikençe möddätkä saylanuı Amerikanıñ milli mänfäğätlärenä turı kilgän säyäsätne alıp baru mömkinçelege birä.G.Bush köndäşe senator J.Kerrygä qarağanda 3millioğa kübräk tawış aldı, Kongressnıñ här ike palatası respublikannar kontrolendä tora. xalıqara säxänädä isä G.Bushnıñ çın dustları bik az.Traditsion berektäşlär isä anı ber yaqlı säyäsät alıp baruda misal öçen kiñ yaqlaw bulmıyça Ğıraq suğışın başlatu, Kyoto protokolı ,Xalıqara Cinayätlär Mäxkämäse kebek eşlärne kire qağuda ğäyepli.G.Bush yaña mandatın iske säyäsätne däwam itterü öçenme qullanaçaq?

G.Bush ikençe möddätkä saylanğannan soñ ike kön ütkäç 4nçe noyäberda (audio) Min kampaniädä kapital-säyäsi kapital qazandım häm xäzer anı sarıf itergä cıyınam dip äytkän ide Ämma çınlapta Bush ikençe möddätendä berençesendäge kebek qıyu xäräkät itä alaçaqmı? Bu turıda belgeçlär närsä äytä. B.Clinton administratsiäseneñ iminlek şurasında utırğan Leon Fuerth radiobızğa bolay dip belderde (audio) Minemçe bu mandatqa bik saqlıq belän qararğa kiräk. Başqa närsälär belän berrättän AQŞta finans şartları älläni yaxşıdan tügel.G.Bush Ğıraqtan uñay räweştä çığıp kitä alsa bik şanslı bulır ide.Min ul yañadan şundıy zur macerağa kereşer dip uylamim.Şunlıqtan ul İran eşen diplomatik yullar belän xäl qılunı yevroplılarğa tapşırdı dip uylıym. Waşingtonda George Waşington Universitetında säyäsi fännär häm xalıqara mäsälälär profesorı Nathan Brown fikrençä Bushnıñ östenlege eçke mäsälälär häm dus kongresstan ğıybarät. Xalıqara säxnädä Bush säyäsäte Waşingtonnı izolatsiädä qaldırdı Fransiä Germaniä kebek berektäşlär Ğıraq suğışı säbäple yıraqlaştı. Ul da anıñ mömkinçelekläre uylanğanıça kiñ tügel dip äytep İran mäsäläsenä işarä itä. İran eşendä administratsiä yevropalılar kürsätkän mönäsäbätkä bik şiklänep qarasa da , tıqşınmıy.Bu möhim üzgäreş.Ägär dä amerikannar qaraşınça Yevropa uñışsız bulsa , AQŞ agresivraq qatnaşaçaqmı ?. Minemçä mömkin di profesor Brown. Ämma Brown agresivraq aksiä suğış tügel , kisken diplomatiä , sanksiälär İrannıñ säyäsi oponentların finansiäläw , bälkim dä yäşren operatsiälär oyıştıru dip söyläde Azatlıq Radiosına. Ämma Fürt tä Brown da , G.Bush bu mäddätendä fälästin- İzrael tınıçlıq protsesı belän kübräk mäşğül bulaçaq dip uylıylar. Bush Arafatqa ışanmıy ide, anıñ ülemennän soñ urınına kilgän keşegä şans tanıyaçaq .Ämma här kem Bush ikençe mäddätendä xalıqara säyäsättä kileşüçänräk bulır dip uylamıy. Amerikan Universitetında AQŞ prezidentları tarixi profesorı Allan Lichtman här prezident kebek Bush ta üze saylağan yuldan baraçaq, ämma ul Bush 3 millionğa artıgraq tawış alsa da, kongressnıñ här ike palatsı respublikannar kontrolendä torsa da , Kongress qayçaqta üzeneñ bäysez buluın kürsätergä teli dip xäterlätep quydı. Lichtman süzlärençä (audio) Sinen idarä itüeneñ uñışlı yaxşı buluı möhim . Kongres sinen partiä kontrolendä torsa da , här säyäsätne ütkärersen dip uylamasqa kiräk. Prezident Franklin Roosvelt 1936nçe yılda tawışlarnıñ 61%ın alıp xakimiätkä kilde. Ämma anıñ yuğarı mäxkämägä äğzalar östäw tırışlığı mısqıllı ciñelü belän tämamlandı. Bush mäqsatlarına ireşergä teli häm ul üzen ällä ni üzgärtmiäçäk di Lichtman. Şulay da profesor V.Putin mäsälsäenä iqtibar cälep itä. Bush 2001nçe yılda Putin belän oçraşqannan soñ min ul keşeneñ küzlärenä qarap aña ışana alaçağımnı xis ittem dip äytkän ide.Rusiädä mätbuğat, demokratiäneñ çiklänüenä Bush administratsiäse bik az protest belderä.Lichtman süzlärençä Bushqa xatasın tanu bik qıyın. Lichtman (audio) Bush ciñel genä kursnı üzgärtmi yulına däwam itäçäk. Aña kürsın üzgärtü yäki yasağan xatasın iqrar itü qıyın . Bu älbättä eşlär yaxşı barmasa yäki Rusiä citäkçese V.Putin belän bulğan kebek şartlar üzgärsä bik küp problemalarğa säbäp bula ala. Lichtman fikrençä G.Bush kiläse 4 yılda bälkim dä xezmättäşlek itä dip kürenü öçen tışqı säyäsättä retorikasın üzgärtäçäk. Ämma Lichtman anıñ ğämällärendä üzgäreş kötmi färidä xämit
XS
SM
MD
LG