Accessibility links

шимбә, 10 декабрь 2016, Казан вакыты 09:59

Ukrainada prezidentlıqqa namzätlär Yuşçenko belän Yanukoviç arasında teledebat


Ukrainada 26-nçe dikäberdä qabatlanaçaq prezident saylawlarında yarışqan ike namzät düşämbe kiç böten ildä kürsätelgän televidiniä debatına qatnaştı. Opozitsiä citäkçese V.Yuşçenko belän köndäşe premyer V.Yanukoviç arasındağı duel 100minut däwam itte.

Yäkşämbe könne qabatlanaçaq saylawlardan elek ike namzät berbersen kameralar aldında ğäyepläp çıqtı, Opozitsiä namzäte V.Yuşçenko premyer Yanukoviçnı 21nçe noyäberda ütkärelgän 2.tur saylawlarda tawışlarnı urlawda ğäyepläde. Yuşçenko süzlärençä (audio) Monda buluıbıznıñ ber säbäbe xärämläşelgän 21nçe noyäber saylawlarnıñ näticäse.3millionnan artıq tawış oponentım anıñ törkeme tarafınnan urlandı. Yuşçenko bigräk tä ilneñ könçığış öleşlärendä xärämläşelde dide . Bilgele bulğança Yuğarı Mäxkämä Yanukoviç ciñde dip iğlan itelgän 2.tur saylawlarnı köçtän çığardı.Yuşçenko saylaw qanunnarı ğına urlawnı xökem itmi dip äytep bolay dip däwam itte(audio) Sez bit ışanğan keşe, şulay bit, sez urlarğa tieş tügel, sez fabrikalarnı urlarğa tieş tügel sez tawışlarnı urlarğa tieş tügel Opozitsiä citäkçese, Yanukoviçnı yaqlağan Russiäne Ukraina säyäsätenä qatnaşuda ğäyepläde Ul Rusiä yäki könbatışnıñ tıqşınuı bäysez Ukraina öçen kimsetüçe dip äytte. Rus telendä söylägän Yanukoviç Yuşçenkonı AQŞ häm könbatış illäre yaqlıy dide. Ul Yuşçenkonıñ ciñüe ilne büläçäk digän qaraşta . (audio) Viktor Andreyeviç ägär dä sez ciñep çığıp Ukraina prezidentı bulaçağıgıznı uylasağız nıq yalğışasız. Sez Ukrainanıñ ber öleşeneñ genä citäkçese bulaçaqsız.Min moñı telämim. Ukrainanı bergäläp berläşterüebezne telim Yanukoviç xakimiät öçen tügel ä qan tügelmäwe öçen köräşä ikän. Ul saylaw aldı kampaniäse waqıtında bulğan kileşsez eşlär öçen dä ğafu ütenep, saylawlardan soñ bernindi açu qalmasın dip telim dide (audio) Yanukoviç demokratiä yaqlı protestlarnı puç dip atap , xäräkätne yaqlauçı prezident Leonid Kuçmanı ğäyepläde. Namzätlär 100minutlıq söyläşü waqıtında berbersenä sorawlar da birde. Yuşçenko sorawları iqtisadi mäsälälär , pensiä, budjet häm mäğaşlar turında ide. Premyer Yanukoviç Ukraina ekonomikasınıñ yaxşıruına basım yasadı. Küzätüçelär qaraşınça söyläşüdä här ike namzätneñ dä köçle mizgelläre bulsa da, Yuşçenko ciñüçe dip bäyälände. Kievta bäysez Rozumkov Üzägennän Oleksandr Lytvynenko qaraşınça Yuşçenko ciñüçe (audio) Söyläşüne yomğaqlağanda Yuşçenko oponentına qarağanda köçleräk ide, ul qapma qarşılıqlı sorawlarğa töğäl cawaplar birde.Bigräk tä könçığış Ukrainada tel, din turındağı sorawlarğa ,üzeneñ töbäklärgä iqtisadqa qarata mönäsbäte turında söyläde. Tabiplar Yuşçenko dioksin belän ağulandı dip iğlan itkännän soñ namzätlär berençe märtäbä oçraştı . Ukrainada ağulaw eşe tikşerelä. Ämma söyläşülär waqıtnda mäsälä quzğatılmadı. Düşämbedä Rusiä prezidentı Putin belän Germaniä kanslerı Schröder Ukraina saylawlarınıñ näticäsen qabul itäçäklären beldersä, Yevropa Berlege saylawlarda ber tarafnı yaqlamıybız, ämma saylawlar irekle häm ğädel bulırğa tieş dip äytte färidä xämit
XS
SM
MD
LG