Accessibility links

шимбә, 10 декабрь 2016, Казан вакыты 08:25

Mäskäw Çeçnä konfliktnın çişüdä Germaniä täqdimnären qabul itä


Germaniä kanslerı Gerhard Schröder häm Rusiä prezidentı Vladimir Putin bügen Germaniäneñ tönyağında urnaşqan Schleswig şähärendä söyläşülär alıp bardı. Söyläşüdän soñ ütkän matbuğat oçraşuında çığış yasap, Putin, Çeçnä konfliktın çişüdä Germaniä häm Yevropa Belege täqdimnären qabul itüen belderde. Putin, Çeçnädä suğış tämam disä dä, bu täqdimnärne tulısınça qabul itüen äytte:

Audio (Vladimir Putin): "Läkin Çeçnädä suğış betü närsä añlata? Bu Rusiädä, bigräk tä Çeçnädä problemnar betüne añlatamı? Yuq, kiresençä, bu töbäktä bezneñ citärlek problem bar. Häm bez Yevropa häm Germaniädäge partnerlarıbız belän açıqtan-açıq bergäläp eşlärgä telibez."

Ukrainağa qağılıp, Putin, prezidentlıqqa oppozitsiä namzäte Viktor Yuçenko belän eşläwdä anıñ öçen ber problem da bulmayaçağın äytte. Putin häm Schröder Ukrainada bu yäkşämbe ütäçäk saylaw näticälären ixtiram itergä kileşte.

Putin belän Schröder şulay uq Rusiä timer yullarına Germaniäneñ tiz yöreşle trännären kiterü proyektın iğlan itte. Bu proyektnıñ bäyäse 2 milliard dollar bulaçaq. Rusiä prezidentı Germaniägä ike könlek säfären tämamladı.

XS
SM
MD
LG