Accessibility links

Кайнар хәбәр

Xalıq şağire İldar Yuziev arabızdan kitte


Sişämbe küñelsez xäbär alıp kilde. 21 dekaber irtäsendä, xalıq şağire häm Tuqay büläge iäse İldar Yüziev wafat buldı. Ul 72 yäştä ide. İldar Yuziev nindi keşe ide? Bu sorawnı Yazuçılar berlege räise Foat Ğalimullinğa birdek. Menä anıñ cawabı:

«İrtän irtük, Yazuçılar berlegenä şuşı küñelsez xäbär kilep ireşte. İldar ağa Yüzievnı, min ädäbiättäge zur isemnär, Hadi Taqtaş, Fatix Kärimnär belän yänäşä quyır idem, alar däräcäsendäge bik zur şağir dip atar idem. Yazuçılar berlegendä telefonnar tınıp tormıy, härberse bu xäbär belän teträngän, irtädän uq, berlekkä xalıq keşe ağımı tuqtamıy. İldar Yüzievnıñ şäxese, icatı xalıq tarafınnan şul xätle yaratılğan ikän, yöräge tuqtağannan soñ bu açıq kürende. İldar Yuziev kebek tuñğısız, xalıq ğäme, ädäbiät ğäme belän borçılıp yäşägän keşe yörägen saqlıy almıy. Ul üzeneñ yörägen änä şul zur eşlär turında borçılıp, qayğırtıp irtä yandırdı. İldar Yuziev zur şäxes ide.»

İldar Yuzievqa uquçılarnıñ yaratuın isän çaqta ul kürergä nasıyp buldı. 2 yıl elek Kamal teatrı binasında anıñ 70 yäşlege uñayınnan icat kiçäse uzğan ide. İldar Yuziev 40 yaqın şiğer cıyıntığın çığarğan, 30lap poema yazğan keşe. Şağirneñ traditsiälären xäzer anıñ şäkertläre däwam itäçäk. Märxüm belän xuşlaşu çärşämbe könne Kamal teatrı binasında ütte. Xalıq şağire Qazannıñ tatar ziaratında cirlände.

Bikä Timerova
XS
SM
MD
LG