Accessibility links

шимбә, 10 декабрь 2016, Казан вакыты 06:16

Stratfor Putin-Şröder oçraşuın yomğaqlıy.


Germaniä kanslerı Şröder belän Ruiisä prezidentı Putin arasındağı summit 21-nçe dikäberdä tämamlandı. Alar Çeçnä, Ukraina häm Germaniäneñ BMOsı İminlek Şurasında daimi aşza bulu tırışlığın tikşerdelär. İke yaq ta berberen büläkläde. Germaniä Russiö-Yevropa mönäsäbätlärendä aldınğı rol uynıy. İnternettağı Global küzätü häm analiz şirkäte Stratfornıñ kommentariäsendä şundıy fikerlär äytelgän.

Şröder belän Putin arasındağı summit 21-nçe dikäberdä yomğaqlandı. Ul beyrem aşı qara-qarşı ruxında ütte. Şröder öçen bu oçraşu şaqtıy faydalı buldı. Läkin, Putin dä telgän närsäsenä ireşte. Berlinneñ Mäskävneñ Yukosnı qulına eläkterüe turında endäşmävenä cavap itep Putin İminlek Şurasında Germaniäneñ daimi ağzalığın yaqlarğa häm Russiäneñ burıçların vaqıtınnan alda tülärgä väğdä birde. Berlin Yukos mäsäläsendä endäşmäv belän genä qalmağandır. Farazlanğança Gazprom soñğı çiktä Yuganskneftegaznıñ xucası bulırğa telägän xäldä, aña aqça kiräk bulaçaq. AQŞ mäxkämäsenneñ qararınan soñ küpkenä bankalarnıñ kredit birü mäsäläsendä ikelänüläre mömkin. İnde kansler Şröder hiç bulmağanda aqçanıñ ber öleşen birüläre öçen Germaniä bankalarına tayana alır. Şröder Putinneñ Raştua büläge belän qänäğät qalğandır. Germaniä BMOnıñ İminlek Şurasında daimi ağza bulırğa teli. Putin Germaniäneñ bu telägen yaqlarğa häm şuranıñ qalğan başqa ağzaları belän söyläşergä väğdä itte. Putin şulay uq Russiäneñ Parij klubına burıçın da vaqıtınnan alda tüliäçägen äytte. Germaniä Russiägä iñ küp burıç birgän il. Ul 20 miliard dolar tiräsendä. Russiä Ğinvar ayında uq 6 miliardın tüliäçäk häm bu Germaniä budjetndağı defitsitnı kimetü öçen qullanılaçaq. Şröder Putinnän tağı da ber ölkädä taşlama aluğa ireşte. Putin Çeçnä mäsäläsendä problemmalarnıñ buluın iqrar itte häm alarnı xäl qılu mäsäläsendä Yevropa häm Germaniä belän xezmättäşlek itärgä äzer toruın belderde. Nixayät Putin belän Şröder Ukraina mäsäläsendä dä kileştelär. Putin bu mäsälädä dä taşlama yasap, Könbatış yaqlı kandidat Yuşenko saylanğan xäldä, anıñ belän xezmättäşlek itärgä väğdä birde. Üz nävbätendä Şröder Russiä belän Yevropa arasında bu mäsälädä kierenkelekne sülänäytergä tırışaçağın äytte. Ul şulay uq Yuşenkonıñ Russiägä qarata kileşüçän pozitsiäsen saqlap qaluı öçen qulınnan kilgänne eşliäçägen belderde. Üz nävbätendä Putin Russiä neften häm gazın Yevropağa Ukrinanı uratqan ütkärgeçlär aşa tapşırmasqa väğdä itte. Bu Germaniä häm Yevropağa nefte häm gaznıñ qimmäteräkkä töşüenä kiterer ide. Germaniä Russiä belän mönäsäbätlärdä aldınğı rol uynıy başladı häm ul Brussel belän Mäskäv arasında küper bulmaqçı. Şröder Russiä belän Yevropa arasında aradaşçı bulıp Yevropanıñ Russiäne tänqitläven yomışartırğa häm ber ük vaqıtta Mäskäv belän mönäsäbätläre säbäple xalıqara säxnädä xörmät qazanırğa teli.

Färit İdelle, Praga.
XS
SM
MD
LG