Accessibility links

дүшәмбе, 5 декабрь 2016, Казан вакыты 05:21

Musuldağı şartlawda ike distägä yaqın AQŞ xärbi häm sivili häläk buldı


Ğıraqta 30nçe ğıynuar saylawlar köne yaqınlaşqan sayın köç qullanu da arta. Sişämbedä ilneñ tönyağında Musul şährendäge amerikan bazasına yasalğan höcümdä in kimendä 22keşe häläk buldı alarnıñ 18 AQŞ ğäskärie häm sivile.72 keşe yaralandı . Çatırdağı şartlawğa närsäneñ säbäp buluı turındağı tikşerü könnärçä dewam itäçäk dip belderä xärbilär. Ansar al Sunna isemle törkem cawaplılıqnı üz östenä aldı . Prezident Bush ireklek öçen köräş däwam itäçäk dip äytte.

Sişämbedä Musul şährendä Marez amerikan bazasında köndezge aş waqıtında çatırda bulğan şartlawdan soñ, bügen şähär qamau astında , öylärdä töntülär ütkärelä.Musul mere komendant säğäte kertep, Tigris yılğası östendäge 5 küprne qullanunı tıyğan. Şähär uramnarı buş dip xabär itelä.. Musuldağı amerikan xärbiläreneñ citäkçese general Carter Ham çatırda bulğan şartlaw tikşerelä dide(audio) Ülüçülär arasında AQŞ xärbi personale, sivillär, çit il keşeläre , Ğıraq xärbiläre bar. Yaralılar da äytep kitkän törle törkemnärdän . İnsident urınında bulğan amerikan jurnalistı Jeremy Redmon NBC televidiniäsenä şartlawnı bolay dip añlattı (audio) qatı şartlaw böten binanı teträtte.Qarasam minnen 50meter yıraqta ğına çatırnıñ tübäsendä bik zur ut tubı , ul öste yabılğan çatır ğına , anda yözlärçä soldat köndezge aşnı aşıy ide. 2003nçe yılda Ğıraqqa basıp kergän Amerika köçläre öçen sişämbe in zur yuğaltulı kön buldı Sönni möselman törkeme Ansar al Sunna üz fidainınıñ şartlatqanıñ belderä. AQŞ räsmiläre ütkän ayda Fallucada bulıp alğan suğışlardan soñ bik küp başkütärüçeneñ Musulğa kitkäneñ belderä.Ansar al Sunna sonğı 15ayda meñnnän artıq keşeneñ üleme öçen cawaplılıqnı üz östenä aldı. Xärbilär şartlawğa närsäneñ säbäp buluın äytü irtä disä dä Jane Defense İnformation törkemendä ölkän analitik Charles Heyman(audio) bez bu şartlawnıñ niçek buluın belmäsäk tä, minamöt bombası dip uylıybız, şul bomba havada şartlağan öçen qorbannar sanı yuğarı , anda bik bik küp şrapnel – qıypılçıqlar tabıldı. Şunlıqtan bik küp keşe ülde yaralandı . AQŞ xärbi bazaları şulayuq Ğıraq Milli gvardiäse urnaşqan binalar här daim minamöt höcümenä duçar bula. Jurnalist Redmon kiçäge aşxanä çatırına bıyıl in kimendä 30märtäbä minamöttan ut açıldı dip äytte. Prezident G Bush sişämbedä ülgän soldatlarnıñ ğailälärenä qayğı urtaqlaşu kündermäläre cibärde. Musuldağı şartlawdan elek ütkän atna azağında CNN- USA Today -Gallupnıñ ütkärgän fiker beleşüdä, fikre soralğannarnıñ 47% 2004nçe yılda Ğıraqta eşlär tağı da naçarrıraq ide dip äytkän.Musul höcüme Ğıraqtağı amerikan xärbiläreneñ iminlege turında sorawlar tudıraçaq. Pentagon küptän tügel genä xärbilärgä citärlek BTRlar birelmägän öçen tänqitkä duçar bulğan ide. Musulda çatırğa bulğan höcümnär säbäple anda betondan zur aşxanä tözelä başlanğan ide . Charles Heyman (audio) Bu bik zur lager .Xärbi prioritetlar arasında berençe urında patrul –xärbi kizüdä buluçılar şulayuq ğıysyançılarğa qarşı suğışuçılar tora Aşxanä zalı prioritetlar isemlegendä tübändä torğandır hava höcümnärenä qarşı saqlanu bik qıyın , tübä bik nıq bulırğa tieş . Bez monı minomöt höcüme dip uylıybız. Ğıraqnıñ 3 zur şähre Musul sonğı ber ike ayğa qädär bik tınıç urın ide.Ämma xäzer ğıysyançılar belän AQŞ köçläre arasındağı suğış mäydanına äylände färidä xämit
XS
SM
MD
LG