Accessibility links

шимбә, 10 декабрь 2016, Казан вакыты 15:48

Ğiraqta 4 ay totıq bulğan ike fransuz jurnalistı öyenä qayttı


Ğiraqta 4 ay totıq bulğannan soñ kiçä irekkä çığarılğan ike fransuz jurnalistı Christian Chesnot häm Georges Malbrunot öylärenä qayta. Bügen alar başta Kiprğa, annan Parijğa oçtı. Fransiä prezidentı Jacques Chirac televideniedä çığış yasap jurnalistlarnıñ irekkä çığarılu xäbärenä quanu belderde:

Audio (Jacques Chirac): "Christian Chesnot häm Georges Malbrunot süz ireklege häm mäglümät alu xaqına tormışların qurqınıç astına quydı. Alar bik awır sınaw ütte. Barıbız isemennän min alarğa ixtiram belderäsem kilä."

Ğiraqtağı islamçılar tarafınnan 4 ay elek totıq itep alınğan jurnalistlar kiçä irekkä çığarıldı. Fransiä xökümäte alar öçen aqça tülänüen kire qağa.

Ul arada kiçä Mosuladğı xärbi nığıtmağa bulğan höcümnän soñ amerikan xärbiläre bu töbäkne yabıp quydı, häm öydän-öygä yörep oyıştıruçılarnı ezli. Höcüm näticäsendä 22 keşe, şul isäptän 18 amerikan hälaq buldı, 70tän artığı yaralandı. Amerikan xärbiläre monıñ raketa, ällä intihar höcüm buluın açıqlarğa tırışa. Cawaplılıqnı üz östenä alğan "Ansar Äl-Sunna" törkeme häcümne intiharçı başqardı dip belderä.

XS
SM
MD
LG