Accessibility links

Кайнар хәбәр

Blair Londonda Fälästingä bağışlanğan xalıqara konferensiä ütkärergä täqdim itä


Fälestin citäkçese Mäxmüt Abbas, London konferensiäse İzrail belän solıxqa ireşüdä berençe adım bulır dip belderde. Bu turıda ul bügen Ramallada Britania premier-ministrı Tony Blair belän oçraşqaç äytte. Blair ğinawarda ütäçäk Fälestin saylawlarınnan soñ, Londonda, Fälästin Üzidaräsendä iminlek, demokratik häm iqtisadi üzgäreşlär turında xalıqara konferensiä ütkärergä täqdim itkän ide. Bu täqdimen ul bügen İerusalemda İzrail premier-ministrı Ariel Sharon belän oçraşqaç yasadı:

Audio (Tony Blair): "Fälestin yağı bezneñ yärdäm itergä äzer buluıbıznı, tınıçlıq xaqına kiräkle adımnar yasaluın kürer dip ışanam."

Blair belän Sharon Yaqın Könçığşıta solıx söyläşülären yañrtu yulların tikşerde. Sharon, Fälästin citäkçeläre başta suğışçıların bastırırğa tieş dip, solıx konferensiäsendä qatnaşudan baş tarttı. 9 ğinwar prezident saylawlarında ciñer dip kötelgän Abbas – Fälestinnär, Fälestin däwläten tözüne küz aldında totqan häm xalıqara yaqlanğan "yul xaritasın" xuplıy dip belderde.
XS
SM
MD
LG