Üzbäkstan prezidentı İslam Kärimovnıñ tuğanı, bäysez jurnalist, keşe xoquqların yaqlawçı Camşid Kärimov bilgesez keşelär tarafınnan qıynalğan. Üzbäkstannıñ Keşe xoquqları Cämğiäte belderüendä äytelgänçä, ike keşe anı Cizzaq qalasında qıynağan. Xäzer ul awır xäldä xastaxanädä yata. Üzbäkstannıñ Keşe xoquqları Cämğiäte äzğası, Londondağı Suğış häm Tınıçlıq Xäbärläre İnstitutı xezmätkäre Camşid Kärimov prezident-abıysınıñ keşe xoquqları ölkäsndä säyäsätenä tänqit belderä ide. Küptän tügel genä ul Cizzaq qalasında cirle citäkçelärne tänqitlägän mäqälälär bastırğan ide. Cizzaq militsiäse bu waqanı tikşerüen belderde.
