Accessibility links

чәршәмбе, 7 декабрь 2016, Казан вакыты 17:26

Putin milli mäsälä turında belderü yasadı häm Qazannıñ 1000 yıllığına kilergä wäğdä itte


Rusiä Prezidentı Vladimir Putinnıñ mäğlümat çaraları belän oçraşuında töbäk citäkçelären bilgeläw, regionnarı zuraytu häm Kulikovo qırındağı ciñüne bäyräm itü turındağı sorawlar da birelde. Bu cawaplar Tatarstanda ayırım qızıqsınu belän tıñlandı. Töbäklärne ber bersenä quşu iqtisadıy yaqtan fayda kitersä genä mömkin , dip belderde Vladimir Putin. Kulikovo qırın bäyräm itügä qağılğanda, Vladimir Putin, bu mäs’äläne äle öyränäse bar, orışta qatnaşqan ike yaqta da, urıslar da, tatar ğäskärläre dä bulğan, dip tarixi faktlar kiterde. Oçraşuda yañğırağan iñ soñğı soraw, tatarça başlanıp kitte häm milli mäs’älä, Qazannıñ 1000 yıllığı turında buldı. Anı İntertat.ru agentlığınıñ xäbärçese Vladimir Şefçuk birde häm , aña süz birgängä şatlanıp, sorawın «Bik zur räxmät sezgä» digän süzlär belän başlap cibärde. Vladimir Şefçük «Milli tellär häm milli mäsällärne xäl itü öçen millätlär ministrlığın torğızu urınlı bulmas mikän?» - digän soraw quydı häm Qazannıñ 1000 yıllığın bäyräm itügä Vladimir Putinnı çaqırdı. Ul bolay cawap birde: «Dönyanıñ här ile dä, Qazan kebek şähär belän maqtana almıy. Üseş däräcäse yağınnan, ğasırlar buyı barlıqqa kilgän göref-ğädtäläre yağınnan da. 1000 yıllıq! Uylap qarağız, 1000 yıl! Bu däwlätçegebezneñ häm küp millätle mädäniätebezneñ tirän tamırları turında söyli.» Qazannıñ 1000 yıllığın bäyräm itügä, bik zur teläk belän kiläçäkmen, dide Vladimir Putin. Ul şulay uq, milli mäs’älä turında da fikeren belderde. «Milli üzençäleklär, milli tellär, minemçä, däwlät säyäsätendäge östenlekle yünäleş bulırğa tieş» dide ul. Milli säyäsät, maxsus ministrlıq buldıruda ğına tügel, däwlätneñ barlıq tarmaqlarında çağış tabırğa tieş. Mäsälän bu milli mäsällär belän regional säyäsät ministrlığı şöğellänergä tieş bula », «İctimaği palata eşendä dä bu sorawlar tikşerelergä mömkin, regionnarnıñ mänfäğätläre, Federatsiä şurasında östenlekle mäs’älä bulırğa tieş. Rusiäseneñ milli häm mädäni ülänçälege qabatlanmas, ul saqlawğa häm yaqlawğa moxtac», dip belderde Rusiä Prezidentı.

Bikä Timerova.

XS
SM
MD
LG