Accessibility links

җомга, 9 декабрь 2016, Казан вакыты 14:41

Putin: Yuganskneftegaz şirkäteneñ däwlät qaramağına küçüe - qanuni ğämäl


Rusiä prezidentı Vladimir Putin Yuganskneftegaz şirkäteneñ däwlät qaramağındağı Rosneft kompaniäse qulına küçüen qanuni ğämäl dip atadı. Bügen Kremldä yözlägän jurnalist qatnaşında ütkän matbuğat oçraşuında Putin bolay dide:

Audio (Vladimir Putin): "Bügen däwlät qanuni bazar mexanizmnarı qullanıp üzeneñ mänfägätlären ayqlıy. Monı tulısınça normal dip sanıym."

Rusiäneñ salım räsmiläre Yukos şäxsi neft kompaniäsen yözlägän million dollar salım tülämäwdä ğäyepläp, yıldan artıq tikşerü eşläre alıp bardı. Yukosnıñ töp şirkäte bulğan Yuganskneftegaz uzğan atna auksionda bilgesez şirkätkä satıldı. Kiçä ul däwlät qaramağındağı Rosneft kompaniäse qulına küçte dip iğlan itelde.

Putin şulay uq Quşma Ştatlarnı häm başqa könbatış illären, Rusiä-Ukraina mönäsäbätlärenä tıqşınıp, Rusiäne izolätsiäläw tırışlığında ğäyepläde. Polşa prezidentı Aleksandr Kwasnevskiğa qağılıp Putin ğädäti bulmağan cawap qaytardı. Uzğan atna Kwasnevski Polşanıñ "Polityka" mäcmüğasına "Rusiägä Ukrainasız yaxşıraq bulır" digän süzlär äytkän ide. Bügenge matbuğat oçraşuında Putin, äyterseñ bu szülär ğämäldäge prezident tügel, ä başqa eş ezlägän keşe tarafınnan äytelgän, dide.

XS
SM
MD
LG