Accessibility links

сишәмбе, 6 декабрь 2016, Казан вакыты 20:57

Ğiraqlılar Fällucağa qayta, ä anda yaña bäreleşlär


Ğiraq räsmiläre äytüençä, uzğan ayda Fällucada bulğan bäreleşlär waqıtında torğan cirlären taşlap kitkän keşelär bügen öylären tikşerü öçen şähärgä qaytqan, ämmä bäreleşlär däwam itü säbäple anda ozaqqa qalırğa telämi. Ğiraqnıñ waqıtlı xökümäte belderüençä, qaytqan ğailälärgä şunduq 100 dollar birelä. Bäreleşlär näticäsendä mölkätlärenä zıyan kilgännär 10 meñ dollarğa qädär yärdämgä däğwa itä ala.

Bügen Fällucada Amerikan xärbiläre belän ğisyançılar arasında yaña bäreleşlär bulğan. Amerikan oçqıçları häm tankları ğisyançılar nığıtması dip sanalğan urınnarnı utqa totqan. Amerikan xärbiläre äytüençä, ike yaqtan da qorbannar bar, tögälräk mäglümät älegä yuq.

XS
SM
MD
LG