Accessibility links

Кайнар хәбәр

Yandarbievnı üterüdä ğäyeplängän agentlar Rusiägä qaytarıla


Çeçnäneñ sörgendäge citäkçese Zälimxan Yandarbievnı üterüdä ğäyeplänep, Qatarda ğömerlekkä törmägä xökem itelgän Rusiäneñ ike küzläw agentı, Rusiägä tapşırılaçaq. Bu turıda bügen Qatarnıñ räsmi xäbärlär idaräse Tışqı eşlär ministrlığınıñ iseme äytelmägän ber räsmienä tayanıp xäbär itte. Xäbärdä äytelgänçä, Rusiäneñ agentları, Anatoly Bilaşkov belän Vasily Pokçov, Rusiä xökümäte möräcägäte belän, törmä möddäten Rusiädä utıru öçen anda küçerelä. Bu agentlar 13 Fevraldä Qatar başqalası Dohada Zälimxan Yandarbievnı häm tağın ike keşene üterüdä ğäyeplängän ide. Qatar mäxkämäse, alar Mäskäw häm Rusiäneñ Qatardağı ilçelege yärdämendä eş itkän digän näticä çığardı. Agentlarnıñ ikese dä ğäyeplären tanımıy. Räsmi Mäskäw isä Yandarbievnı üterüdä qatışı buluın kire qağa, häm bu agentlar terrorçılıq turında mäglümät cıyğan dip belderä.
XS
SM
MD
LG