Accessibility links

якшәмбе, 11 декабрь 2016, Казан вакыты 01:29

Tatnet : Yaña yıl büläklären internet aşa alabız


Katoliklarnıñ Raştua bäyrämenä soñğı äzerlek çaraları kürelä. Belgänegezçä, bäyräm tönen ğailädä häm büläklär öläşep ütkärü ğädäte bar. Mäğlümat agentlıqları xäbär itkänçä, könbatış illärendä büläklärne kübesençä internet aşa alu kiñäyä bara. İnternet aşa kiem, uyınçıqlar alıp bula, xätta real kibetlärdä yörergä waqıt bulmağan bik mäşğül xatın-kızlarğa internet aşa azıq-tölek alu mömkinlege bar. Aqçasın kredit karta, yäki ber ük şähärdä bulsa, öygä kitergäç, taşuçığa tülärgä bula. Kön batış illärdä internettan faydalanu ğädätkä kergän. Ölkän yäştäge äbilär dä, yäşlär dä, internet aşa äyber alu, kiräkle mäğlümat tabu, xat cibärü, telefonnan söyläşü, radio tıñlaw mömkinlege turında belä. İnternetnıñ Rusiädä, Tatarstanda da kiñ tarala başlağannan soñ, on-line xezmätlär belän faydalanu bar keşelärgä dä mömkin buldı.

Äkren-äkren, tatarstan şirkätläre dä İnternetqa kerep bara, üzläreneñ säxifälären aça bara. Qazanda äle küptän tügel genä tözelgän GUM däwlät, universal kibet internet säxifäsen açılu belän bergä bulırdan ide. Anıñ kiştälären, komputor qarşında ğına utırğan kileş aqtarıp bula. Ul www.e-kazan.ru digän kazan portalında ber bülek alıp tora. İnde TSUM digän Qazannıñ üzäk, universal kibete internetta üz säxifäsen buldırdı.

Anıñ adresı www.kazantsum.ru Säxifä internet aşa satıp aluçılar öçen caylı itep eşlängän. Aşamlıqlar, sawıt-saba, şäräp, büläklär, çäçäk häm taşlamaları tovarlar belän tanışıp bula. Qazandağı iñ zur säwdä şirkätlärneñ berse – «AleksandrLTD» kibeteneñ dä internetta üz säxifäse bar. Anıñ adresı kibeteneñ iseme belän ber. Ä menä «Bäxetle» kebek ere şirkät internet aşa satu itä başlamağan. www.tatarstan.net kebek säxifägä kerep, Çallı, Tübän Kama kibetläreneñ, şirkätläreneñ internet saytları belän tanışıp çığıp bula.

Maxsus çit ildäge tatarlar öçen açılğan internet kibetlärneñ berse www.tatshop.ru digän säwdä saytı berençe qarlığaç buldı. Älege säxifä kübesençä internet aşa tatar cırları, CD tälinkälär, DVD dikslar belän satu itä. Küptän tügel audio, video tovarlar belän satu itüçe tağın ber virtual kibet açıldı. Proetktnıñ iseme dä, adresı da bik ğadi www.kibet.net . Bu kibet çittäge tatarlarğa häm tatar muzıkası belän qızıqsınuçılar öçen kiñ mömkinleklär birä. Biredä, äle premyerası da ütmädän «Zöläyxa» isemle yaña näfis filmınıñ DVD tälinkäse satıla. Xätta kinodan özeklär belän tanışırğa bula. Tatar estradasınıñ zamança häm klassik ürnäkläre şuşı www.kibet.net digän virtual kibettä satıla. Tatar oyışmalarınıñ internet säxifälär tübätäylär, qalfaqlar sata, mäsälän tatural.ru saytı şundıylardan. İslam saytları kitaplar, mönäcätlär täqdim itä. Ä menä www.bulyak.kazan.ru adresında urnaşqan büläklär häm qotlawlar xezmäte tübätäy, disbe häm tort satıp alu belän bergä, yıraqtağı tuğannarığıznı qotlıy alasız. Çäçäk, radioda qotlaw häm başqa şundıy büläklärne www.bulyak.kazan.ru säxifäse aşa saylap alıp bula. Başta «Büläk» xezmäteneñ urısça ğına eşli başlağan ide, xäzer tatarça häm inglizçä bülekläre da açılğan. Säxifädä äytelgänçä, «Büläk» xezmäte Mäskäw, Tübän Novgorod häm Piterburda bülekçälären açqan. Xäzer şuşı şähärlärdä dä zakaz birep bula ikän. www.bulyak.kazan.ru Ä menä www.bulmas.ru saytı aşa tatarça virtual täbriklämä cibärergä mömkin. Qotlaw bülege yaña yıl täbriklämäläre belän tulılanğan.

Bikä Timerova.

XS
SM
MD
LG