Rusiä prezidentı Vladimir Putinnıñ 23 dekäber könne ütkärgän matbuğat oçraşuı Başqortstan cämäğätçelegeneñ dä iğtibar üzägendä qala. Comğa kön Başqortstanda yal köne bulğanğa, älegä republík citäkçeläreneñ Vladimir Putinnıñ fikerlärenä qarata mönäsäbäte kiñküläm mäğlümat çaralarına citkerelmäde. Ämma aldağı könnärdä Başqortstan xakímítlarınıñ älege matbuğat oçraşuında yañğırağan fikerlärgä qaraşı matbuğatta motlaq urın alır dip kötärgä kiräk. «Azatlıq» radíosı xäbärçese Ufada berniçä keşegä möräcäğät itep, alarnıñ fikeren beleşte. Ğomumän alğanda, il prezidentınıñ küp mäsälälärgä qarata uy – fikerlären uñay bäyäläsä dä, alar Putin äfändeneñ qayber ädäpsezräk häm usalraq äytelgän süzlärenä qänäğätsezlek belderde. Menä Başqortstandağı kiñ bilgele ğälim, iqtisad fännäre doktorı, professor Rinat Ğatawllinnıñ fikerlären tıñlap alíq.
(Ğatawllin)
Sez Başqortstandağı kürenekle tatar ğälime, professor, iqtisad belgeçe Rinat Ğatawllin fikerlären tıñladığız. Rinat äfände fikerençä, aldağı 2005 yıl Başqortstan öçen bik awır yıl bulaçaq. Moña anıñ aldağı yıl búdjetınıñ zur defitsit belän qabul itelüe genä tügel, ä qayber ere şirkätlärneñ Mäskäw qaramağına küçüe dä säbäpçe bulaçaq. «Republíkta sosíal mäsälälärne xäl itüdä: búdjet ölkäsendä eşläwçelärgä xezmät xaqları tüläwdä, ä pensionerlarğa sosíal yärdäm kürsätüdä şaqtí qíınlıqlar kilep tuaçaq, ä bu inde üz çiratında xalıq arasında rizasızlıqnı arttıraçaq, – di Rinat äfände. – Şulay itep Tawıq yılı qayışlarıbıznı tağın da qısıbraq buarğa mäcbür itäçäk». İqtisad belgeçe fikerençä, Başqortstanda sosíal yärdämne aqçalata tüläwgä küçerü näticäsendä dä küp añlaşılmawçanlıqlar häm sosíal kierenkelek kötelä. Monı xätta republík citäkçeläre üzläre dä farazlí häm matbuğatta açıq belderä. Härçaq Başqortstanda barısı da al da göl dip belderergä yaratuçı türälär dä şulay paníkğa birelgäç, xäyerle bulsın inde.
(Ğatawllin)
Sez Başqortstandağı kürenekle tatar ğälime, professor, iqtisad belgeçe Rinat Ğatawllin fikerlären tıñladığız. Rinat äfände fikerençä, aldağı 2005 yıl Başqortstan öçen bik awır yıl bulaçaq. Moña anıñ aldağı yıl búdjetınıñ zur defitsit belän qabul itelüe genä tügel, ä qayber ere şirkätlärneñ Mäskäw qaramağına küçüe dä säbäpçe bulaçaq. «Republíkta sosíal mäsälälärne xäl itüdä: búdjet ölkäsendä eşläwçelärgä xezmät xaqları tüläwdä, ä pensionerlarğa sosíal yärdäm kürsätüdä şaqtí qíınlıqlar kilep tuaçaq, ä bu inde üz çiratında xalıq arasında rizasızlıqnı arttıraçaq, – di Rinat äfände. – Şulay itep Tawıq yılı qayışlarıbıznı tağın da qısıbraq buarğa mäcbür itäçäk». İqtisad belgeçe fikerençä, Başqortstanda sosíal yärdämne aqçalata tüläwgä küçerü näticäsendä dä küp añlaşılmawçanlıqlar häm sosíal kierenkelek kötelä. Monı xätta republík citäkçeläre üzläre dä farazlí häm matbuğatta açıq belderä. Härçaq Başqortstanda barısı da al da göl dip belderergä yaratuçı türälär dä şulay paníkğa birelgäç, xäyerle bulsın inde.
