Accessibility links

җомга, 9 декабрь 2016, Казан вакыты 04:49

«Nur» teaterı säxnäsendä premyera


Ufa «Nur» tatar däwlät drama teaterı üz tamaşaçıların yänä dä ber premier belän söyenderde. Bu yulı nurlılar tatarnıñ klassik yazuçısı Mirsäy Ämirneñ «Gölşayan» pyesäsın säxnäläşterde. Säxnä ölgesendä bu äsär «Yanamın da, köyämen» digän isem aldı. Yäş rejisser İldar Wäliev säxnäläştergän bu tamaşanı teater sänğäten söyüçelärgä 22-23 dekäber könnärendä täqdim ittelär. Yaña spektakl häryäklap osta eşlängän, şuña kürä dä anı tamaşaçılar da yarattı, sänğät belgeçläre dä yuğarı bäyä birde aña. «Nur» teaterınıñ baş rejisserı Äbelxäyer äfände Safíullin da üz eşlärennän qänäğät.

(Safíullin)

Sez Ufa «Nur» tatar däwlät drama teaterınıñ baş rejisserı Äbelxäyer Safíullinnı tıñladığız.

Bu könnärdä Ufada iğtibarğa layıq mädäni çaralar baytaq qına. Şularnıñ berse Ufanıñ Neftçelär mädäniät sarayında ütüçe «Gälsär sanduğaç» cır festiwäle. Älege cır – moñ bäyrämendä kürenekle säxnä yoldızları belän berrättän republíknıñ küp rayonnarınnan kilgän, yaña ğına säxnägä ayaq basuçı yäş talantlar da qatnaşa.

Fänis Fätxi, Ufa.

XS
SM
MD
LG