Accessibility links

шимбә, 3 декабрь 2016, Казан вакыты 03:27

Könyaq Aziädä sunami häläkätendä qorbannar sanı 20 meñnän arttı


Yäkşämbedä Könyaq Aziädä bulğan zilzilä häm köçle dulqın taşqınnarı näticäsendä qorbannar sanı 20 meñnän arttı. İndoneziäneñ Sumatra utrawı yanında Hind Okeanı töbendä bulğan cir teträwe näticäsendä qupqan köçle dulqınnar töbäkneñ berniçä ilendä zur qazağa säbäp buldı. İñ küp qorbannar sanı - 12 meñnän artıq - Şri Lankada. İndoneziädä 5 meñ çaması. Hindstan, Thailand, Malaysia, Bangladesh, Maldiv utrawları, xättä Könçığış Afrikanıñ Somali ilendä ülüçelär bar. Meñlägän keşe, şul isäptän çit il turistları, xäbärsez yuğalğan sanala. Hindstan Eşke eşlär ministrı Şivrac Patil xökümät keşelärgä yärdäm iter öçen qulınnan kilgänen eşli dide:

Audio (Şivrac Patil): "Xäzerge waqıtta alar transportqa moxtac: boralaqlar, oçqıçlar, köymälär birelä. Monnan tış çatırlar, yurğannar, azıq-tölek birelä. Soñraq finans yärdäm mäsäläse qaralaçaq."

Berniçä däwlät üzeneñ yärdämen täqdim itte. Xalıqara Qızıl Xac oyışması aşığıç yärdämgä 6-yarım million dollar bülep birde. Berläşkän Millätlär xalıqara yärdäm sisteması moñarçı kürelmägän sınaw aldında tora dip belderde.

XS
SM
MD
LG