Accessibility links

пәнҗешәмбе, 8 декабрь 2016, Казан вакыты 21:24

Ukrainada prezident saylawların ciñgän Viktor Yuçenko ildä yaña çor iğlan itte


Yäkşämbedä Ukrainada ütkän prezident saylawlarında ciñüne oppozitsiä namzäte Viktor Yuçenko yawlağan dip xäbär itelä. Üzäk Saylaw komissiäse tawışlarnıñ 99 % çamasın sanağannan Yuçenko 52dän artıq protsent çıyğan dip belderde. Anıñ köndäşe pemier-ministr Viktor Yanukoviç – 44% çaması. Tawış birüdä saylawçılarnıñ 77 protsentı qatnaşqan. Yuçenko üzeneñ ciñüen iğlan itte häm Ukrainada yaña çor başlanuın belderde:

Audio (Viktor Yuçenko): "Bügen bez xalıqnı sanğa suqmaw, aldaw, senzura häm köç qullanu çorın tämamlıybız. Xalıqnı çigenä citkergän keşelär şuşı minutta ütkändä qala. Bu sezneñ barığıznıñ da qazanışı. İldä yaña demokratiä çorı başlana."

21 noyäberdä ütkän ikençe tur saylawlarında ciñüçe dip Yanukoviç iğlan itelgän ide. Küp sanlı xärämläşülär säbäple Yuğarı mäxkämä ul näticäne köçtän çığardı. Yuçenkonıñ meñlägän tarafdarı qabat saylawlar taläp itep ber ay buyına namayışlar ütkärde.

XS
SM
MD
LG